ହାଇଦ୍ରାବାଦ: ତୃଣମୂଳ କଂଗ୍ରେସର ସାଂସଦ ତଥା ବଙ୍ଗଳା ଅଭିନେତ୍ରୀ ନୁସରତ ଜାହାଁ କୋଲକାତାରେ ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କରିଛନ୍ତି । ପବିତ୍ର ରଥଯାତ୍ରା ଅବସରରେ ସାମିଲ ହୋଇଛନ୍ତି ନବନିର୍ବାଚିତା ନୁସରତ । ନୁସରତଙ୍କୁ ଏହି ଅବସରରେ ମୁଖ୍ୟ ଅତିଥି ଭାବେ ନିମନ୍ତ୍ରଣ କରାଯାଇଥିଲା । ଏପରିକି ନୁସରତ ମହାପ୍ରଭୁଙ୍କ ପୂଜାର୍ଚ୍ଚନା ବି କରିଥିଲେ ।
କୋଲକାତାରେ ରଥ ଟାଣିଲେ ନୁସରତ ଜାହାଁ
କୋଲକାତାରେ ମହାପ୍ରଭୁଙ୍କ ରଥଟଣାରେ ସାମିଲ ହୋଇଛନ୍ତି ସାଂସଦ ତଥା ଅଭିନେତ୍ରୀ ନୁସରତ ଜାହାଁ । ବିବାହ ପରେ ପତି ନିଖିଲଙ୍କ ସହ ଯୋଗ ଦେଇଥିଲେ ରଥଯାତ୍ରାରେ । ସାଥିରେ ଥିଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ ।
ଫଟୋ ସୌଜନ୍ୟ: ସୋସିଆଲ ମିଡିଆ
ରଥଯାତ୍ରା ଅବସରରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ ଉପସ୍ଥିତ ଥିଲେ । ଏପିରିକି ନୁସରତ, ମମତାଙ୍କ ସହ ରଥ ମଧ୍ୟ ଟାଣିଥିଲେ । ନୁସରତଙ୍କ ସହ ପତି ନିଖିଳ ଜୈନ ମଧ୍ୟ ସାମିଲ ହୋଇଥିଲେ ।
ରଥଯାତ୍ରାରେ ନୁସରତ ପୁରା ପାରମ୍ପରିକ ବେଶରେ ନଜର ଆସିଥିଲେ । ୟେଲୋ ଶାଢୀ ସହ ସିନ୍ଦୁର, ଚୁଡି, ମଙ୍ଗଳସୂତ୍ରରେ ନଜର ଆସିଥିଲେ । ତେବେ ନିକଟରେ ନୁସରତ ମୁସଲମାନ ହୋଇ ସଂସଦକୁ ଶାଢୀ, ସିନ୍ଦୁର ପିନ୍ଧି ଆସିଥିଲେ ଫଳରେ ଏହାକୁ ନେଇ ବିବାଦ ଆରମ୍ଭ ହୋଇଥିଲା । ତେବେ ଏନେଇ ନୁସରତ କହିଥିଲେ କି ସେ ସବୁ ଧର୍ମକୁ ସମ୍ମାନ ଦିଅନ୍ତି ।