ସଙ୍ଗୀତ ଦୁନିଆରେ ନୋରାଙ୍କ ଡେବ୍ୟୁ, ଦେଖନ୍ତୁ ଟିଜର

‘ପଛତାଓଗେ’ ଗୀତ ପରେ ଏବେ ନୋରାଙ୍କ ଇଣ୍ଟରନ୍ୟାସନାଲ ମ୍ୟୁଜିକ ଭିଡିଓ ରିଲିଜ ହେବାକୁ ଯାଉଛି । ଏହି ଗୀତ ଜରିଆରେ ସେ ପ୍ରଥମଥର ଗୀତ ମଧ୍ୟ ଗାଇବାକୁ ଯାଉଛନ୍ତି ।

ମୁମ୍ବାଇ: ‘ଦିଲବର’ ଆଇଟମ ସଙ୍ଗରୁ ରାତାରାତି ବଲିଉଡରେ ଛାଇ ଯାଇଥିବା ବେଲୀ ଡାନ୍ସର ନୋରା ଫତେହୀଙ୍କ ଦମଦାର ଅଭିନୟ ମଧ୍ୟ ଦେଖିସାରିଛନ୍ତି ଦର୍ଶକ । ନିକଟରେ ରିଲିଜ ହୋଇଥିବା ମ୍ୟୁଜିକାଲ ଭିଡିଓ ‘ପଛତାଓଗେ’ରେ ନଜର ଆସିଥିଲେ ନୋରା । ଏହି ରୋମାଣ୍ଟିକ, ଧୋକା ମ୍ୟୁଜିକାଲ ଭିଡିଓରେ ତାଙ୍କ ସହ ଅଭିନୟ କରିଥିଲେ ପପୁଲାର ଅଭିନେତା ବିକ୍କୀ କୌଶଲ ।

ଏବେ ନୋରା ପୁଣି ପ୍ରସ୍ତୁତ ହୋଇସାରିଛନ୍ତି ନିଜର ଜଲୱା ଦେଖାଇବାକୁ । ଆଜ୍ଞା ହଁ, ସେ ଖୁବଶୀଘ୍ର ପେପି ଟ୍ରାକ ‘ପେପେଟା’ରେ ନଜର ଆସିବେ । ଏହା ଜରିଆରେ ସେ ଇଣ୍ଟରନ୍ୟାସନାଲ, ଇଂରାଜୀ ଗୀତରେ ଡେବ୍ୟୁ କରିବାକୁ ଯାଉଛନ୍ତି ।

ଯାହାର ଟିଜର ଶୁକ୍ରବାର ରିଲିଜ ହୋଇଯାଇଛି । ଗୀତରେ ସେ ଭିନ୍ନ ଅବତାରରେ ଦେଖାଯାଉଛନ୍ତି । ପିଙ୍କ ହେୟାରରେ ସେ ପୁରା ବାର୍ବି ଗାର୍ଲ ପରି ଲାଗୁଛନ୍ତି । ‘ପେପେଟା’ ମ୍ୟୁଜିକାଲ ଭିଡିଓଟି ଆସନ୍ତା 9ରେ ରିଲିଜ ହେବ । ଯାହାକୁ ନେଇ ଉତ୍ସାହିତ ନୋରା ।

ପ୍ରକାଶ ଥାଉକି ଏହାସହ ସେ ବରୁଣ ଧୱନ ଓ ଶ୍ରଦ୍ଧା କପୁରଙ୍କ ଆଗାମୀ ଫିଲ୍ମ ‘ଷ୍ଟ୍ରିଟ ଡାନ୍ସର 3ଡି’ରେ ନଜର ଆସିବେ । ଏହି ଫିଲ୍ମରେ ସେ ଜଣେ ଡାନ୍ସର ଭୂମିକାରେ ଅଭିନୟ କରୁଥିବାର ଦେଖାଯିବେ ।