ହାଇଦ୍ରାବାଦ: ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ ଏବଂ ଅଭିନେତା ଭିକି କୌଶଲ ବି-ଟାଉନରେ ଦମ୍ପତିଙ୍କ ମଧ୍ୟରେ ଅନ୍ୟତମ। ଦୁହେଁ କିଛି ବର୍ଷ ପାଇଁ ନିଜ ସମ୍ପର୍କକୁ ଲୁଚାଇ ରଖି ଶେଷରେ 9 ଡିସେମ୍ବର 2021 ରେ ଧୁମଧାମ ସହିତ ବିବାହ କରିଥିଲେ । ସେମାନଙ୍କର ବିବାହ ପରଠାରୁ ବି-ଟାଉନର ସବୁଠାରୁ ପ୍ରିୟ ଦମ୍ପତି ହୋଇପାରିଛନ୍ତି ଭିକ୍ୟାଟ ।
ବିବାହ ପରେ କ୍ୟାଟ୍ରିନା ଏବଂ ଭିକି ସେମାନଙ୍କ ପ୍ରଥମ ଖ୍ରୀଷ୍ଟମାସ ଏବଂ ଲୋହରୀ ଫ୍ୟାନ୍ସଙ୍କ ସହିତ ପାଳନ କରିଥିଲେ । କିନ୍ତୁ ଲାଗୁଛି ଯେ ଏହି ଦମ୍ପତି ବିବାହ ପରେ ସେମାନଙ୍କର ପ୍ରଥମ ଭାଲେଣ୍ଟାଇନ୍ସ ଡେ ଏକାଠି ପାଳନ କରିବେ ନାହିଁ। କାରଣ ଭାଲେଣ୍ଟାଇନ୍ସ ଡେ’ ରେ ଦୁହେଁ ପରସ୍ପର ଠାରୁ ଦୂରରେ ଥିବେ।
ଜାନୁଆରୀ 2022 ରେ, କ୍ୟାଟ୍ରିନା ଏବଂ ସଲମାନ ଖାନ ଦିଲ୍ଲୀରେ ସେମାନଙ୍କର ପରବର୍ତ୍ତୀ ଚଳଚ୍ଚିତ୍ର 'ଟାଇଗର 3'ର ସୁଟିଂ କରିଥାନ୍ତେ। କିନ୍ତୁ କୋରୋନା ମହାମାରୀ ହେତୁ ସେମାନଙ୍କ ଯୋଜନା ବାତିଲ ହୋଇଯାଇଥିଲା। ତେବେ ଏକ ରିପୋର୍ଟ ଅନୁଯାୟୀ, ନିର୍ମାତାମାନେ ଫେବୃଆରୀ ମଧ୍ୟଭାଗରେ ଫିଲ୍ମର ସୁଟିଂ କରିବାକୁ ଯୋଜନା କରୁଛନ୍ତି।