ହାଇଦ୍ରାବାଦ: ଦୀର୍ଘ 14 ବର୍ଷ ପରେ ପତ୍ନୀଙ୍କ ଠାରୁ ଅଲଗା ହୋଇଛନ୍ତି ଟିଭିର ଐତିହାସିକ ସିରିଏଲ 'ମହାଭାରତ'ର ଫେମ୍ ନୀତୀଶ ଭରଦ୍ବାଜ। ମହାଭାରତରେ 'କୃଷ୍ଣ' ଭୂମିକାରେ ଅଭିନୟ କରିଥିବା ନୀତୀଶ ତାଙ୍କ ବୃତ୍ତିଗତ ଜୀବନକୁ ନେଇ ଯେମିତି ଚର୍ଚ୍ଚାରେ, ବ୍ୟକ୍ତିଗତ ଜୀବନକୁ ନେଇ ମଧ୍ୟ ସେମିତି ଚର୍ଚ୍ଚାରେ ଥାନ୍ତି । 2019 ରେ ନୀତୀଶ ପତ୍ନୀ ତଥା ଆଇଏଏସ୍ ଅଧିକାରୀ ସ୍ମିତା ଗେଟ୍ (Smita Gate)ଙ୍କ ଠାରୁ ଅଲଗା ହୋଇଥିଲେ।
2005 ରେ ଉଭୟ ବିବାହ ବନ୍ଧନରେ ବାନ୍ଧି ହୋଇଥିଲେ। ବିବାହର 1 ବର୍ଷ ପରେ ନୀତୀଶ ଏବଂ ସ୍ମିତା ଛାଡପତ୍ର ନେବାକୁ ସ୍ଥିର କରିଥିଲେ। ଛାଡପତ୍ରର 2 ବର୍ଷ ପରେ ନୀତୀଶ ସ୍ମିତାଙ୍କ ଠାରୁ ଅଲଗା ହେବା ଉପରେ ପ୍ରତିକ୍ରିୟା ରଖିଛନ୍ତି। ନୀତୀଶ ଏବଂ ସ୍ମିତାଙ୍କ ଦୁଇଟି ଯାଆଁଳା ଝିଅ ଅଛନ୍ତି, ଯେଉଁମାନେ ମା' ସ୍ମିତାଙ୍କ ସହ ଇନ୍ଦୋରରେ ରୁହନ୍ତି ।
ଏକ ସାକ୍ଷାତକାରରେ ନୀତୀଶ ଭରଦ୍ବାଜ ପତ୍ନୀ ସ୍ମିତାଙ୍କ ସହ ଅଲଗା ହେବା ବିଷୟ ପ୍ରକାଶ କରିଛନ୍ତି। ସେ କହିଛନ୍ତି, "ହଁ, ମୁଁ ସେପ୍ଟେମ୍ବର 2019 ରେ ପାରିବାରିକ କୋର୍ଟରେ ଛାଡପତ୍ର ପାଇଁ ଆବେଦନ କରିଥିଲି। ତେବେ ମୁଁ ସେତିକି ଗଭୀରତାକୁ ଯିବାକୁ ଚାହେଁ ନାହିଁ, କେଉଁ କାରଣ ପାଇଁ ଆମେ ଦୁହେଁ ଅଲଗା ହେଲୁ। ବର୍ତ୍ତମାନ ମାମଲା କୋର୍ଟରେ ଅଛି। ମୁଁ କେବଳ ଏତିକି କହିପାରିବି ଯେ, ଛାଡପତ୍ର ମୃତ୍ୟୁ ଠାରୁ ବି ଅଧିକ ଶକ୍ତିଶାଳୀ ହୋଇଥାଏ, ବିଶେଷକରି ସେତେବେଳେ ଯେତେବେଳେ ଆପଣ ଏକୁଟିଆପଣ ସହ ଜୀବନ ବିତାଉଥିବେ।