'ସାରା ବିଶ୍ବର ପ୍ରେରଣା ପ୍ରିୟଙ୍କା'

କିଛି ନା କିଛି ପାଇଁ ସବୁବେଳେ ଚର୍ଚ୍ଚାରେ ରହୁଥିବା ବି-ଟାଉନର ରୋମାଣ୍ଟିକ କପଲ ନିକ ଜୋନସ ଓ ପ୍ରିୟଙ୍କା ଚୋପ୍ରା ପୁଣିଥରେ ଚର୍ଚ୍ଚାରେ । ପତ୍ନୀଙ୍କ ପାଇଁ ଭାବବିହ୍ବଳ ପୋଷ୍ଟ ସୋସିଆଲ ମିଡିଆରେ ସେୟାର କରି ଆଲୋକର କିରଣ କହିଛନ୍ତି ନିକ୍ ।

ଲସଏଞ୍ଜେଲ୍‌ସ: ଆମେରିକାର ପପୁଲାର ଗାୟକ ନିକ ଜୋନସ ଶନିବାର ପତ୍ନୀ ପ୍ରିୟଙ୍କା ଚୋପ୍ରା ପାଇଁ ଭାବବିହ୍ବଳ ନୋଟ ଲେଖିଛନ୍ତି । ଯାହାକୁ ସେ ସୋସିଆଲ ମିଡିଆରେ ସେୟାର କରି ପ୍ରିୟଙ୍କାଙ୍କୁ 'ଆଲୋକ'ର କିରଣ କହିଛନ୍ତି ।

ସେ ଆନ୍ତର୍ଜାତୀୟ ମହିଳା ଦିବସ ଅବସରରେ ପ୍ରିୟଙ୍କାଙ୍କ ଏକ ଫଟୋ ଇନଷ୍ଟାଗ୍ରାମରେ ସେୟାର କରି କ୍ୟାପସନରେ ଲେଖିଥିଲେ, "ଏହି ଶାନଦାର ମହିଳା ପୁରା ଦୁନିଆରେ ଅନେକ ଲୋକଙ୍କ ପ୍ରେରଣା ଏବଂ ଆଲୋକର କିରଣ । ଆଇ ଲଭ ୟୁ ପ୍ରିୟଙ୍କା ।"

ସେ ପୋଷ୍ଟରେ ପତ୍ନୀ ସହ ଅନେକଙ୍କ ବିଶିଷ୍ଟ ମହିଳାଙ୍କୁ ୱିମେନ୍ସ ଡେ'ରେ ଶୁଭକାମନା ମଧ୍ୟ ଜଣାଇଛନ୍ତି । ପ୍ରକାଶ ଥାଉକି ପୁରା ବିଶ୍ବରେ ମାର୍ଚ୍ଚ 8ରେ ସବୁ ବର୍ଷ ୱିମେନ୍ସ ଡେ' ପାଳନ କରାଯାଇଥାଏ ।