ମୁମ୍ବାଇ: ବଲିଉଡ ହେଉ କିମ୍ବା ହଲିଉଡ ସେଲିବ୍ରିଟିଙ୍କ ବ୍ୟକ୍ତିଗତ ଜୀବନ ବିଷୟରେ ସବୁବେଳେ ଜାଣିବାକୁ ବ୍ୟାକୁଳ ଥାଆନ୍ତି ଫ୍ୟାନ୍ସ ଓ ମିଡିଆ। କଥା ଯେବେ ବିବାହିତ ଜୀବନ ବିଷୟରେ ଆସିଥାଏ ତେବେ ଏକ୍ସାଇଟମେଣ୍ଟ ଆଉ ଦୁଇଗୁଣ ବଢିଯାଇଥାଏ। ଏମିତି ହିଁ କିଛି ହେଉଛି ଗ୍ଲୋବାଲ ଆଇକନ ପ୍ରିୟଙ୍କା ଚୋପ୍ରା ଓ ତାଙ୍କ ସ୍ବାମୀ ନିକ ଜୋନସଙ୍କ ସହ । ଦୁଇଜଣଙ୍କ ବିବାହକୁ ଏକ ବର୍ଷ ପୂରଣ ହୋଇସାରିଛି । ହେଲେ ଏଯାବତ ଦୁଇଜଣଙ୍କ ବୟସରେ ଥିବା ପାର୍ଥକ୍ୟକୁ ନେଇ ଚର୍ଚ୍ଚା ଥିମିବାର ନାଁ ନେଉନାହିଁ।
ପତ୍ନୀଙ୍କ ବୟସକୁ ନେଇ ଶାନଦାର ଜବାବ ଦେଲେ ନିକ
ବୟସରେ ପାର୍ଥକ୍ୟକୁ ନେଇ ବିବାହ ପରଠୁ ଚର୍ଚ୍ଚାରେ ହଟ କପଲ ପ୍ରିୟଙ୍କା ଚୋପ୍ରା ଓ ନିକ ଜୋନସ। ଇତିମଧ୍ୟରେ ଏହି ଚର୍ଚ୍ଚା ଉପରେ ଶାନଦାର ଜବାବ ଦେଇଛନ୍ତି ନିକ।
ଫଟୋ ସୌଜନ୍ୟ: ଇନଷ୍ଟାଗ୍ରାମ@ପ୍ରିୟଙ୍କା ଚୋପ୍ରା
ନିକଟରେ ନିକଙ୍କୁ ବୟସକୁ ନେଇ ଯେତେବେଳେ ପ୍ରଶ୍ନ କରାଯାଇଥିଲା ସେ ଶାନଦାର ଜବାବ ଦେଇ ସମସ୍ତଙ୍କୁ ମୁହଁ ବନ୍ଦ କରିଦେଇଥିଲେ। ପ୍ରିୟଙ୍କାଙ୍କ ଠୁ ନିକ 10 ବର୍ଷ ସାନ। ପ୍ରିୟଙ୍କା 37 ବର୍ଷର ହୋଇଥିବା ବେଳେ ନିକଙ୍କୁ 27 ବର୍ଷ । ଯେଉଁଥିପାଇଁ ତାଙ୍କୁ ସମାଲୋଚନାର ଶିକାର ହେବାକୁ ପଡିଛି । ଏମିତି ହି କିଛି ନିକଟରେ ସିଙ୍ଗିଂ ରିୟାଲିଟି ଶୋ ‘ଦ ଭଏସ’ରେ ଦେଖିବାକୁ ମିଳିଥିଲା। ବର୍ତ୍ତମାନ ଏହି ଶୋର ଜଜ ରୂପେ ନଜର ଆସୁଛନ୍ତି ନିକ ।
ଶୋର ଆଉ ଜଣେ ଜଜ କୈଲି ମଜାମସ୍ତିରେ ନିକଙ୍କୁ କହିଥିଲେ ସେ 37 ବର୍ଷର ଆଉ ତୁମ ବୟସ 27 ହୋଇଥିବ। ତାଙ୍କର ଏପରି କଥା ଶୁଣି ନିକ ସଙ୍ଗେ ସଙ୍ଗେ ବୁଝିଯାଇଥିଲେ ଯେ ସେ କଣ କହିବାକୁ ଚାହୁଁଛନ୍ତି । ଆଉ ଜବାବରେ କହିଥିଲେ ତାଙ୍କ ପତ୍ନୀଙ୍କ ବୟସ ମଧ୍ୟ 37 ବର୍ଷ । ଯେଉଁଥିରେ ତାଙ୍କୁ କୌଣସି ଅସୁବିଧା ନାହିଁ। ନିକଙ୍କ ଶାନଦାର ଉତ୍ତର ଶୁଣି ଶୋରେ ଉପସ୍ଥିତ ଥିବା ଦର୍ଶକ ଖୁବ୍ ତାଳି ମାରିଥିଲେ।