ନୂଆଦିଲ୍ଲୀ : ବଲିଉଡ ଏବଂ ପଞ୍ଜାବୀ ଗାୟକ ମିକା ସିଂ ନୂଆ ବର୍ଷ ସେଲିବ୍ରେଶନର ଏକ ଭିଡିଓ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଏହି ଭିଡିଓରେ ହ୍ରିତିକ ରୋଶନ ମଧ୍ୟ ତାଙ୍କ ସହ ନଜର ଆସିଛନ୍ତି ।
ମିକା ଏହି ଭିଡିଓ ସେୟାର କରିବା ମାତ୍ରେ ଖୁବ୍ ଭାଇରାଲ ହେବାରେ ଲାଗିଛି ।
ଏହି ଭିଡିଓରେ ହ୍ରିତିକ ତାଙ୍କର ଡେବ୍ୟୁ ଚଳଚ୍ଚିତ୍ର କହୋ ନା ପ୍ୟାର ହେ ର ଏକ ଗୀତ ମିକାଙ୍କ ସହିତ ଗୀତ ଗାଇ ନାଚୁଥିବାର ଏବଂ ତାଙ୍କର ଫେମସ ଡ୍ୟାନ୍ସିଙ୍ଗ ମୁଭସ୍ କରୁଥିବାର ନଜର ଆସିଛନ୍ତି ।
ନୂଆ ବର୍ଷ ପାର୍ଟିରେ ମିକା ଏବଂ ହ୍ରିତିକଙ୍କ ସହିତ ମ୍ୟୁଜିକ ଆର୍ଟିଷ୍ଟ କରଣ ବାବା, ଅଭିନେତା ଜାଏଦ ଖାନ ଏବଂ ରାକେଶ ରୋଶନ ମଧ୍ୟ ସାମିଲ ହୋଇଥିଲେ ।
ଏହି ଭିଡିଓ ସେୟାର କରି କ୍ୟାପସନରେ ମୀକା ପ୍ରଶଂସକମାନଙ୍କୁ ନବବର୍ଷର ଶୁଭେଚ୍ଛା ଜଣାଇବା ସହିତ ହ୍ରିତିକ, କରଣ, ରାକେଶ ରୋଶନ ଏବଂ ଜାଏଦ ଖାନଙ୍କୁ ଧନ୍ୟବାଦ ମଧ୍ୟ ଜଣାଇଛନ୍ତି । ବିଦାୟ 2020, ସ୍ବାଗତ 2021 ।
ଏବେ ମିକାଙ୍କ ଏହି ଭିଡିଓ ପୋଷ୍ଟରେ ତାଙ୍କ ପ୍ରଶଂସକମାନେ ତାଙ୍କୁ ନୂଆ ବର୍ଷରେ ଅଭିନନ୍ଦନ ଜଣାଇଛନ୍ତି । ଏହା ସହିତ ପ୍ରଶଂସକମାନେ ହ୍ରିତିକଙ୍କ ଡ୍ୟାନ୍ସକୁ ମଧ୍ୟ ପ୍ରଶଂସା କରୁଛନ୍ତି ।
ପ୍ରକାଶ ଥାଉ ଯେ, ମିକା ଏବଂ ହ୍ରିତିକଙ୍କ ଏହି ଭିଡିଓକୁ ଏପର୍ଯ୍ୟନ୍ତ ତିନି ଲକ୍ଷରୁ ଅଧିକ ଥର ଭ୍ୟୁଜ୍ ମିଳିସାରିଛି ।