ହାଇଦ୍ରାବାଦ: ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଅଷ୍ଟମ ଦିନରେ ପହଞ୍ଚିଲାଣି । ଋଷ ଗତ ଆଠ ଦିନ ଧରି ୟୁକ୍ରେନ ଉପରେ କ୍ରମାଗତ ଭାବରେ କ୍ଷେପଣାସ୍ତ୍ର ବର୍ଷା କରୁଛି । ଋଷର ଏହି ଜିଦଖୋର ତଥା ଅମାନୁଷିକ ମନୋଭାବକୁ ଦେଖି ଅନେକ ଦେଶ ଏହାକୁ ବିରୋଧ କରିଆସୁଛନ୍ତି । ଏପରି ସମୟରେ ଋଷକୁ ଏକ ବଡ ଝଟ୍କା ଦେଇଛି ନେଟଫ୍ଲିକ୍ସ । ଏଣିକି ଋଷିଆର କୌଣସି ବି ଚ୍ୟାନେଲ ଏବଂ କଣ୍ଟେଟକୁ ନିଜ ପ୍ଲାଟଫର୍ମରେ ଦେଖାଇବ ନାହିଁ ବୋଲି କହିଛି ।
ଏହାପୂର୍ବରୁ ଗୁଗୁଲ ଋଷର ଅନେକ ଚ୍ୟାନେଲକୁ ବ୍ଲକ କରିଥିଲା । ବର୍ତ୍ତମାନ ଏହି ପର୍ଯ୍ୟାୟରେ, OTT ଜଗତର ବଡ ପ୍ଲାଟଫର୍ମ ନେଟଫ୍ଲିକ୍ସ ଏକ ବଡ ପଦକ୍ଷେପ ନେଇଛି । ନେଟଫ୍ଲିକ୍ସ କହିଛି ଯେ, ସେ ରୁଷର କୌଣସି ବି ଚ୍ୟାନେଲ ଏବଂ କଣ୍ଟେଟକୁ ନିଜ ପ୍ଲାଟଫର୍ମରେ ଦେଖାଇବ ନାହିଁ । ନେଟଫ୍ଲିକ୍ସ ମୁଖପାତ୍ର କହିଛନ୍ତି କି, ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ଆମ ସେବାରେ ଋଷିଆ ଚ୍ୟାନେଲକୁ ଯୋଡିବା ପାଇଁ ଆମର କୌଣସି ଯୋଜନା ନାହିଁ।