ମୁମ୍ବାଇ: 2020 ବର୍ଷ ଅନେକ କଳାକାର ଦୁନିଆ ଛାଡି ଚାଲିଯାଇଥିଲେ । ଗତ ବର୍ଷ ଏତେ ଖରାପ ଥିଲା ଯେ ଅନେକ ଭେଟେରାନ ଅଭିନେତାଙ୍କ ମୃତ୍ୟୁ ସମୟ ପୂର୍ବରୁ ହୋଇଥିଲା । ସେମାନଙ୍କ ମଧ୍ୟରୁ ଅନ୍ୟତମ ହେଲେ ସୁପରଷ୍ଟାର ଋଷି କପୁର । ଦୀର୍ଘ ବର୍ଷର ଅସୁସ୍ଥତା ପରେ ଗତ ବର୍ଷ ଏପ୍ରିଲ 30ରେ ତାଙ୍କର ଦେହାନ୍ତ ହୋଇଥିଲା । ଆଜି ତାଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ।
ଏହି ଅବସରରେ ଋଷିଙ୍କ ପତ୍ନୀ ତଥା ଅଭିନେତ୍ରୀ ନୀତୁ କପୁର ସୋସିଆଲ ମିଡିଆରେ ଏକ ବ୍ଲାକ ଆଣ୍ତ ହ୍ବାଇଟ ଫଟୋ ସେୟାର କରି ଏକ ଇମୋସନାଲ ନୋଟ୍ ଲେଖିଛନ୍ତି ।
ନୀତୁ ଇନଷ୍ଟାଗ୍ରାମରେ ଲେଖିଛନ୍ତି, 'ଗତ ବର୍ଷ ଦୁନିଆବାସୀଙ୍କ ପାଇଁ ଅତ୍ୟନ୍ତ ଦୁଃଖଦାୟକ ସମୟ ଥିଲା । ବୋଧହୁଏ ଏହା ଆମ ପାଇଁ ଅତ୍ୟଧିକ ଥିଲା କାରଣ ଆମେ ତାଙ୍କୁ ହରାଇଥିଲୁ । ଗୋଟିଏ ଦିନ ମଧ୍ୟ ଏମିତି ବିତି ନାହିଁ ଯେତେବେଳେ ଆମେ ତାଙ୍କୁ ମନେ ପକାଇ ନାହୁଁ କିମ୍ବା ତାଙ୍କ ବିଷୟରେ କଥାବାର୍ତ୍ତା କରିନାହୁଁ କାରଣ ସେ ଆମର ଅସ୍ତିତ୍ବର ଅଂଶ ଥିଲେ । ତାଙ୍କର ଉତ୍ତମ ପରାମର୍ଶ, ତାଙ୍କର ମଜାଳିଆ ଅନ୍ଦାଜକୁ ମୁଁ କେବେ ଭୁଲିପାରିବି ନାହିଁ । ସେ ସର୍ବଦା ଆମ ହୃଦୟରେ ରହିବେ । କିନ୍ତୁ, ଜୀବନ ଆଗକୁ ବଢିବାର ଲାଗିଥିବ । 'ହ୍ୟାସଟ୍ୟାଗ ଋଷି କପୁର' ।
ପ୍ରକାଶ ଥାଉ କି, ଗତ ବର୍ଷ ଏପ୍ରିଲ 29ରେ ଇରଫାନ ଖାନ ଓ 30ରେ ଋଷିଙ୍କ ଭଳି ଭେଟେରାନ ଆକ୍ଟରକୁ ହରାଇଥିବା ପୁରା ଦେଶ । ଏଯାବତ ବି ଦୁଇଜଣଙ୍କ ମୃତ୍ୟୁକୁ କେହି ସହଜରେ ବିଶ୍ବାସ କରିପାରୁନାହିଁନ୍ତି ।
