ମୁମ୍ବାଇ: ପୁଣି ବଢିଲା ଓଟିଟି ପ୍ଲାଟଫର୍ମ ନେଟଫ୍ଲିକ୍ସର ସମସ୍ୟା । ନୂଆ ୱେବ ସିରିଜ ‘ବମ୍ବେ ବେଗମ୍ସ’କୁ ନେଇ ବିବାଦ । ଅନ୍ତରାଷ୍ଟ୍ରୀୟ ମହିଳା ଦିବସ ଅବସରରେ ରିଲିଜ ହୋଇଥିବା ଏହି ସିରିଜ ଉପରେ ଅଭିଯୋଗ । ଜାତୀୟ ଶିଶୁ ଅଧିକାର ସଂସ୍ଥା ‘ଏନସିପିସିଆର’ ନେଟଫ୍ଲିକ୍ସକୁ ସିରିଜରେ ପିଲାମାନଙ୍କର ଅନୁପଯୁକ୍ତ ଚିତ୍ରଣ ବୋଲି ଦର୍ଶାଇ ‘ବମ୍ବେ ବେଗମ୍ସ’ ଷ୍ଟ୍ରିମିଂ ବନ୍ଦ କରିବାକୁ କହିଛି।
ଗୁରୁବାର ଦିନ ନେଟଫ୍ଲିକ୍ସକୁ ଦିଆଯାଇଥିବା ଏକ ନୋଟିସରେ ଜାତୀୟ ଶିଶୁ ସୁରକ୍ଷା ଅଧିକାର ଆୟୋଗ (NCPCR) ଓଟିଟି ପ୍ଲାଟଫର୍ମକୁ 24 ଘଣ୍ଟା ମଧ୍ୟରେ ଏକ ବିସ୍ତୃତ କାର୍ଯ୍ୟ ରିପୋର୍ଟ ପ୍ରଦାନ କରିବାକୁ କହିଛି, ଯାହା ବିଫଳ ହେବା ଦ୍ବାରା ଏହା ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିବାକୁ ବାଧ୍ୟ ହେବ।