ଜର୍ଜ ଫର୍ଣ୍ଣାଡିଜଙ୍କ ବାଓପିକରେ ନବାଜୁବ୍ଦିନ

ବାଲାସାହେବ ଠାକରେଙ୍କ ପରେ ପୁଣି ଏକ ରାଜନେତାଙ୍କ ବାଓପିକରେ ନଜର ଆସିବେ ନବାଜୁବ୍ଦିନ । ସମାଜବାଦୀ ନେତା ଜର୍ଜ ଫର୍ଣ୍ଣାଡିଜଙ୍କ ଭୂମିକାରେ ନଜର ଆସିବେ ନବାଜୁବ୍ଦିନ ।

ହାଇଦ୍ରାବାଦ: ବଲିଉଡ ଅଭିନେତା ନବାଜୁବ୍ଦିନ ସିଦିକି ବାଲାସାହେବ ଠାକରେ ଓ ମଣ୍ଟୋ ପରେ ଏବେ ନଜର ଆସିବେ ସମାଜବାଦୀ ନେତା ତଥା ପୂର୍ବତନ ରକ୍ଷା ମନ୍ତ୍ରୀ ଜର୍ଜ ଫର୍ଣ୍ଣାଡିଜଙ୍କ ବାଓପିକରେ । ତେବେ ଶିବସେନା ନେତା ସଞ୍ଜୟ ରାଉତ ଶିବସେନାର ସୁପ୍ରିମୋ ବାଲାସାହେବ ଠାକରେଙ୍କ ଉପରେ ଫିଲ୍ମ ନିର୍ମାଣ କରିଥିଲେ । ଏଥିରେ ନବାଜୁବ୍ଦିନଙ୍କୁ ବାଲାସାହେବଙ୍କ ଭୂମିକାରେ ଦେଖିବାକୁ ମିଳିଥିଲା ।

‘ଠାକରେ’ର ସଫଳତା ପରେ ସଞ୍ଜୟ ଏବେ ସମାଜବାଦୀ ନେତା ଜର୍ଜ ଫର୍ଣ୍ଣାଡିଜଙ୍କ ଜୀବନୀ ଉପରେ ଫିଲ୍ମ ନିର୍ମାଣ କରିବେ । ଏଥିରେ ନବାଜୁବ୍ଦିନ ମୁଖ୍ୟ ଚରିତ୍ରରେ ନଜର ଆସିବେ । ପ୍ରକାଶଥାଉକି, ଫର୍ଣ୍ଣାଡିଜ ସଞ୍ଜୟଙ୍କ ଭଲ ସାଙ୍ଗ । ଜର୍ଜଙ୍କ ଲୁକ ନବାଜଙ୍କ କାଫି ମେଳ ଖାଉଥିବାରୁ ସଞ୍ଜୟ ନବାଜୁବ୍ଦିନଙ୍କୁ ଫିଲ୍ମରେ ନେବାକୁ ଚାହୁଁଛନ୍ତି ।