ସଙ୍ଗୀତକାର ରେହମାନ ସାଜିଲେ ପ୍ରଯୋଜକ

ଖୁବଶୀଘ୍ର ରିଲିଜ ହେବାକୁ ଯାଉଛି ତେଲୁଗୁ ଫିଲ୍ମ ‘99 ସଙ୍ଗସ୍’ । ଯେଉଁଥିରେ ପ୍ରଯୋଜନାରେ ଡେବ୍ୟୁ କରିବେ ଏ.ଆର ରେହମାନ । ଅଧିକ ପଢନ୍ତୁ...

ମୁମ୍ବାଇ: ପପୁଲାର ମ୍ୟୁଜିକ କମ୍ପୋଜର ତଥା ଫେମସ ଗାୟକ ଏ.ଆର ରେହମାନଙ୍କୁ ନେଇ ଆସିଲା ଗୁଡନ୍ୟୁଜ । ଏଥର ସେ ପ୍ରଯୋଜକ ଭାବେ ତୁଲାଇବେ କାମ । ଜିଓ ଷ୍ଟୁଡିଓର ଆଗାମୀ ଫିଲ୍ମ ‘99 ସଙ୍ଗସ୍‌’ରେ କରିବେ ପ୍ରଯୋଜନା । ଯାହାର ନିର୍ଦ୍ଦେଶନା ଦାୟିତ୍ବ ତୁଲାଇବେ ନିର୍ଦ୍ଦେଶକ ବିଶ୍ବେସ କୃଷ୍ଣମୂର୍ତ୍ତି । ସେହିପରି ଏହି ଫିଲ୍ମରେ ଡେବ୍ୟୁ ଷ୍ଟାର ଇହାନ ଭଟ୍ଟ, ଇଡିଲେସି ଭରଗାସ୍‌ଙ୍କ ସହ ମନିଷା କୋଇରାଲାଙ୍କୁ ଦେଖିବାକୁ ମିଳିବ ।

ମଙ୍ଗଳବାର ଫିଲ୍ମର ତେଲୁଗୁ ଟ୍ରେଲର ରିଲିଜ ହୋଇଯାଇଛି । ଫିଲ୍ମର କାହାଣୀ ସଙ୍ଗୀତ ଦୁନିଆରେ ପଦାର୍ପଣ କରିବାକୁ ଚାହୁଁଥିବା ଜଣେ ଯୁବର କାହାଣୀକୁ ନେଇ ଆଧାରିତ ।

ଫିଲ୍ମର ପ୍ରଯୋଜନା ପାଇଁ ରେହମାନ ଜିଓ ଷ୍ଟୁଡିଓ ସହ ହାତ ମିଶାଇଛନ୍ତି । ଏହା ତାଙ୍କ ପ୍ରଥମ ପ୍ରଯୋଜିତ ଫିଲ୍ମ ହେବାକୁ ଯାଉଛି । ଏହାର ସୂଚନା ଫିଲ୍ମ କ୍ରିଟିକ ତରଣ ଆଦର୍ଶ ଟ୍ବିଟରରେ ଦେଇଛନ୍ତି । ସେ ଟ୍ରେଲର ରିଲିଜ ହେବା ସୂଚନା ଦେବା ସହ ସଙ୍ଗୀତକାର ରେହମାନ ପ୍ରଯୋଜକ ଦୁନିଆରେ ପଦାର୍ପଣ କଥା ସମସ୍ତଙ୍କୁ ଜଣାଇଛନ୍ତି ।