ହାଇଦ୍ରାବାଦ: ALTBalaji ଏବଂ MX ପ୍ଲେୟାରର ବହୁ ପ୍ରତୀକ୍ଷିତ ରିଅଲିଟି ସୋ 'ଲକ୍ ଅପ'ର ପ୍ରଥମ ପ୍ରତିଯୋଗୀଙ୍କ ପରେ ଦ୍ବିତୀୟ ପ୍ରତିଯୋଗୀଙ୍କ ନାଁ ଘୋଷଣା କରାଯାଇଛି। ପ୍ରଥମ ପ୍ରତିଯୋଗୀ ନିଶା ରାୱଲଙ୍କ ନାମ ଘୋଷଣା କରିବା ପରେ ନିର୍ମାତାମାନେ କଙ୍ଗନା ରଣାଓ୍ବତ ଦ୍ବାରା ଆୟୋଜିତ ସୋ’ର ଦ୍ବିତୀୟ ପ୍ରତିଯୋଗୀଙ୍କ ପରିଚୟ ଖୁଲାସା କରିଛନ୍ତି । ଷ୍ଟାଣ୍ଡ-ଅପ୍ କମେଡିଆନ ମୁନାୱାର ଫାରୁକି 'ଲକ୍ ଅପ୍'ର ଦ୍ବିତୀୟ ପ୍ରତିଯୋଗୀ ହେବେ।
ମୁନାୱାର୍ ଫାରୁକି ଷ୍ଟାଣ୍ଡ ଅପ୍ କମେଡି ଦୁନିଆରେ ଏକ ଲୋକପ୍ରିୟ ନାମ । ଗତ ବର୍ଷ ଇନ୍ଦୋର ପୋଲିସ ଧାର୍ମିକ ଭାବନାକୁ ଆଘାତ ଦେଇଥିବା ଅଭିଯୋଗରେ ଗିରଫ କରିଥିଲା ଏବଂ ପ୍ରାୟ ଏକ ମାସ ଜେଲରେ ରହିଥିଲେ । ସେ ମଧ୍ୟ ଜଣେ ଲେଖକ ଏବଂ ରାପର୍ ।