ବିଗ-ବିଙ୍କୁ ମୁମ୍ବାଇ ପୋଲିସର ନିଆରା ଶୁଭେଚ୍ଛା

ଫିଲ୍ମ ଇଣ୍ଡଷ୍ଟ୍ରିର ସର୍ବଶ୍ରେଷ୍ଠ ସମ୍ମାନରେ ସମ୍ମାନିତ ହୋଇଛନ୍ତି ଅମିତାଭ ବଚ୍ଚନ । ଏଥିପାଇଁ ନିଆରା ଅନ୍ଦାଜରେ ମୁମ୍ବାଇ ପୋଲିସ ଜଣାଇଛି ଅଭିନନ୍ଦନ ।

ହାଇଦ୍ରାବାଦ: ଦାଦା ସାହେବ ଫାଲକେ ସମ୍ମାନରେ ସମ୍ମାନିତ ହୋଇଛନ୍ତି ମହାନାୟକ ଅମିତାଭ ବଚ୍ଚନ । ଏଥିପାଇଁ ଦେଶବିଦେଶରୁ ଛୁଟୁଛି ଅଭିନନ୍ଦନର ସୁଅ । କିନ୍ତୁ ନିଆରା ଅନ୍ଦାଜରେ ଶୁଭେଚ୍ଛା ଜଣାଇଛି ମୁମ୍ବାଇ ପୋଲିସ । 1973ର ବ୍ଲକବଷ୍ଟର ଫିଲ୍ମ ‘ଜଞ୍ଜିର’ର ଇନସ୍ପେକ୍ଟର ବିଜୟ ଚରିତ୍ରର ଫଟୋ ସେୟାର କରି ମିମି ପ୍ରସ୍ତୁତ କରିଛି ମୁମ୍ବାଇ ପୋଲିସ ।

ଫଟୋ ସୌଜନ୍ୟ: ଟ୍ବିଟର

ତେବେ ଅମିତାଭ ବଚ୍ଚନଙ୍କୁ ଏହା ପୂର୍ବରୁ ଅନେକ ବଡ ପୁରସ୍କାର ମିଳିଛି । 1984ରେ ପଦ୍ମଶ୍ରୀ , 2001ରେ ପଦ୍ମଭୂଷଣ ଓ 2015ରେ ପଦ୍ମବିଭୂଷଣ ସମ୍ମାନରେ ସମ୍ମାନିତ କରାଯାଇଛି । ‘ଦାଦା ସାହେବ ଫାଲକେ ପୁରସ୍କାର’ ଭାରତୀୟ ସିନେମାର ସବୁଠାରୁ ସମ୍ମାନଜନକ ଆୱାର୍ଡ ।