ମୁମ୍ବାଇ: ଭାରତର ଫେମସ ଡାନ୍ସ ଗ୍ରୁପ ଭି. ଅନବିଟେବଲ ଆମେରିକା ଗଟ ଟ୍ୟାଲେଣ୍ଟରେ ଦମଦାର ଡାନ୍ସ କରି ସମସ୍ତଙ୍କ ମନ କିଣିଛି । ଏହି ଗ୍ରୁପର ଡାନ୍ସ ବର୍ତ୍ତମାନ ଚର୍ଚ୍ଚାରେ । ଆଶ୍ଚର୍ଯ୍ୟକର ଡାନ୍ସ ମୁଭ୍ସରେ କେବଳ ଦର୍ଶକ ନୁହେଁ ବରଂ ଶୋର ଜଜଙ୍କୁ ଆଶ୍ଚର୍ଯ୍ୟ କରିଛି । ଭି. ଅନବିଟେବଲ ଡାନ୍ସ ଗ୍ରୁପ ବଲିଉଡର ଡାନ୍ସ ତଡକା ସେଠାରେ ଦେଖାଇବାରେ ଲାଗିଛନ୍ତି ।
ଭିଡିଓ ସୌଜନ୍ୟ: ଟ୍ବିଟର@ହ୍ରିତିକ ରୋଶନ ଇତିମଧ୍ୟରେ ଗୋଟିଏ ଏପିସୋଡରେ ଭି. ଅନବିଟେବଲ ଗ୍ରୁପ ଶାହିଦ କପୁର ଓ ନର୍ଗିସ ଫାଖରୀଙ୍କ ଗୀତ ‘ଧତିଙ୍ଗ ନାଚ’ରେ ଜବରଦସ୍ତ ଡ୍ୟାନ୍ସ କରିଥିଲେ । ଡାନ୍ସରେ ହାଇ ଜମ୍ପରୁ ନେଇ ହିପ ହପ ଏବଂ ସ୍ଲିପି ମୁଭ୍ସ ସମସ୍ତଙ୍କୁ ଖୁବ୍ ମନୋରଞ୍ଜନ କରିବାରେ ସଫଳ ହୋଇଛି ।
ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଦେଖିବାକୁ ମିଳୁଛି । ଏହାପୂର୍ବରୁ ଏହି ଡାନ୍ସ ଗ୍ରୁପ ରଣବୀର ସିଂ ଓ ଅର୍ଜୁନ କପୁରଙ୍କ ଫିଲ୍ମ ‘ଗୁଣ୍ଡେ’ର ଗୀତ ‘ଜସ୍ନ-ଏ-ଇଶ୍କ’ରେ ଶାନଦାର ପରଫର୍ମ କରିଥିଲା । ଏହାର ମଧ୍ୟ ଭିଡିଓକୁ ସୋସିଆଲ ମିଡିଆରେ ଖୁବ୍ ଦେଖାଯାଇଥିଲା । ଖାଲି ଏତିକି ନୁହେଁ ଏହି ଡାନ୍ସ ଦ୍ବାରା ଭି. ଅନବିଟେବଲ ଆମେରିକା ଗଟ ଟ୍ୟାଲେଣ୍ଟର ଫାଇନାଲରେ ନିଜ ସ୍ଥାନ ସ୍ଥାପନ କରିବାରେ ସଫଳ ହୋଇପାରିଛନ୍ତି ।
ଅନ୍ୟପଟେ ସୁପରଷ୍ଟାର ହ୍ରିତିକ ରୋଶନ ଏହି ଗ୍ରୁପର ଏକ ଭିଡିଓ ସେୟାର କରି ଖୁବ୍ ପ୍ରଶଂସା କରିଥିଲେ । ଭି. ଅନବିଟେବଲ ଗ୍ରୁପରରେ ମୁମ୍ବାଇର ବସ୍ତି ପିଲା ସାମିଲ ଅଛନ୍ତି । 12 ବର୍ଷରୁ ନେଇ 28 ବର୍ଷର ପିଲା ଏହି ଗ୍ରୁପରେ ଡାନ୍ସ କରୁଛନ୍ତି । ନିଜ କଠିନ ପରିଶ୍ରମରେ ଆଜି ଏହି ଗ୍ରୁପ ବିଦେଶରେ ଭାରତର ନାମକୁ ଗର୍ବିତ କରିଛି ।
