ମୁମ୍ବାଇ: ରାଜନୈତିକ ବାୟୋପିକ ଧିରେ ଧିରେ ବଲିଉଡରେ ଛାଇବାରେ ଲାଗିଛି। ଗତ ବର୍ଷ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ଫିଲ୍ମ ନିର୍ମାଣ କରାଯାଇଥିଲା । ଆଉ ଖୁବଶୀଘ୍ର ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ବାୟୋପିକ ‘ଥଲାଇଭି’ ଖୁବଶୀଘ୍ର ପରଦାରେ ଦେଖିବାକୁ ପାଇବେ ଦର୍ଶକ। ଏହି ଫିଲ୍ମରେ ଜୟଲଳିତା ସାଜିଛନ୍ତି ବି-ଟାଉନର କୁଇନ କଙ୍ଗନା ରଣୱାତ।
ଇତିମଧ୍ୟରେ ଜାରି ହୋଇଯାଇଛି ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ମୁଲାୟମ ସିଂଙ୍କ ବାୟୋପିକ ‘ମେଁ ମୁଲାୟମ ସିଂ ଯାଦବ’ର ପ୍ରଥମ ପୋଷ୍ଟର। ଯାହାକୁ ନେଇ ଏବେ ଚର୍ଚ୍ଚା । ଏହି ଫିଲ୍ମ ତାଙ୍କ ଜୀବନ କାହାଣୀକୁ ନେଇ ଆଧାରିତ। କିପରି ସେ କୃଷକରୁ ରାଜନେତା ସାଜିଲେ ଏବଂ ୟୁପିରେ ତାଙ୍କ ରାଜନୀତି ଯାତ୍ରାକୁ ଫିଲ୍ମର ପର୍ଯ୍ୟବେଶିତ କରାଯାଇଛି। ମୁଲାୟମଙ୍କ ଭୂମିକାରେ ଫିଲ୍ମରେ ଅଭିନୟ କରୁଥିବାର ନଜର ଆସିବେ ଅମିତ ସେଠୀ ।