ରିଲିଜ ହେଲା 'ବିଜୁ ବାବୁ'ର ପ୍ରଥମ ପୋଷ୍ଟର

କିଛିଦିନ ହେବ ବହୁଚର୍ଚ୍ଚିତ ବିଗ ବଜେଟ ଓଡିଆ ଫିଲ୍ମ 'ବିଜୁ ବାବୁ'କୁ ନେଇ ଇଣ୍ଡଷ୍ଟ୍ରି ସରଗରମ । ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଜୀବନକୁ ନେଇ ଆଧାରିତ ଏହି ଫିଲ୍ମରେ ଓଡିଆ ସୁପରଷ୍ଟାର ଅନୁଭବ ନଜର ଆସୁଥିବାବେଳେ ଆଜି ବିଶ୍ବ ମାତୃଭାଷା ଦିବସ ଅବସରରେ ରିଲିଜ ହୋଇଛି ଫିଲ୍ମର ପ୍ରଥମ ପୋଷ୍ଟର ।

ଭୁବନେଶ୍ବର: କିଛିଦିନ ହେବ ବହୁଚର୍ଚ୍ଚିତ ବିଗ ବଜେଟ ଓଡିଆ ଫିଲ୍ମ 'ବିଜୁ ବାବୁ'କୁ ନେଇ ଇଣ୍ଡଷ୍ଟ୍ରି ସରଗରମ । ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଜୀବନକୁ ନେଇ ଆଧାରିତ ଏହି ଫିଲ୍ମରେ ଓଡିଆ ସୁପରଷ୍ଟାର ଅନୁଭବ ନଜର ଆସୁଥିବାବେଳେ ଆଜି ବିଶ୍ବ ମାତୃଭାଷା ଦିବସ ଅବସରରେ ରିଲିଜ ହୋଇଛି ଫିଲ୍ମର ପ୍ରଥମ ପୋଷ୍ଟର ।

ତେବେ ଫିଲ୍ମର ଖାଲି ପୋଷ୍ଟର ନୁହେଁ ବରଂ ଫିଲ୍ମନିର୍ମାତା ନୀଳ ମାଧବ ପଣ୍ଡା ଫିଲ୍ମ 'ବିଜୁ ବାବୁ'ର ରିଲିଜ ତାରିଖ ବି ଘୋଷଣା କରିଛନ୍ତି । ସେ ନିଜ ଟ୍ବିଟରରେ ଲେଖିଛନ୍ତି, "ବିଶ୍ବ ମାତୃଭାଷା ଦିବସରେ ଆପଣମାନଙ୍କୁ ମୋର ଶୁଭେଚ୍ଛା। ଆଜିର ଦିନ ରେ ଗର୍ବର ସହିତ ମୁଁ କଥା ଦେଉଛି, ପୂରା ଷୋଳ ଅଣା ଗୋଟେ ଓଡ଼ିଆ ସିନେମା ନେଇ ମୁଁ ଉତ୍କଳ ଦିବସ ଦିନ ଆସିବି। ଓଡ଼ିଆ ଜନଜୀବନର ମହାନାୟକ ବିଜୁବାବୁଙ୍କ ଆଦର୍ଶକୁ ଆଧାର କରି ଏ ସିନେମା ଆପଣଙ୍କୁ ଭରପୂର ମନୋରଞ୍ଜନ ଦେବ।"

ଏହି ଫିଲ୍ମରେ ମୁଖ୍ୟ ନାୟକ ଭାବରେ ଅନୁଭବ ଆସୁଥିବାବେଳେ ଏହାର କାହାଣୀ ,ଚିତ୍ରନାଟ୍ୟ ଏବଂ ନିର୍ଦ୍ଦେଶନା ଦେଇଛନ୍ତି ଦେବୀ ପ୍ରସାଦ ଲେଙ୍କା ଏବଂ ବିଶାଳ ମୋର୍ଯ୍ୟ । ଫିଲ୍ମର ସହ-ପ୍ରଯୋଜନା ଦାୟିତ୍ବରେ ମାନବ ରଥ ,ବର୍ଣ୍ଣାଳୀ ରଥ ଏବଂ ଅତୁଲ ତ୍ୟାଗି ରହିଛନ୍ତି । ଆଉ ସଙ୍ଗୀତ ଦେଇଛନ୍ତି ଖ୍ୟାତନାମା ସଙ୍ଗୀତ ନିର୍ଦ୍ଦେଶକ ପ୍ରେମାନନ୍ଦ ।