ହାଇଦ୍ରାବାଦ:ବୁଧବାର ସିଦ୍ଧାର୍ଥ ମଲହୋତ୍ରା ଏବଂ ରଶ୍ମିକା ମନ୍ଦାନାଙ୍କ ଅଭିନୀତ ଚଳଚ୍ଚିତ୍ର 'ମିଶନ୍ ମଜନୁ' ରିଲିଜ୍ ତାରିଖ ଘୋଷଣା କରାଯାଇଛି । ନିର୍ମାତାମାନେ ସେମାନଙ୍କ ଅଫିସିଆଲ୍ ସୋସିଆଲ୍ ମିଡିଆ ହ୍ୟାଣ୍ଡେଲରେ ଫିଲ୍ମର ରିଲିଜ୍ ତାରିଖ ବିଷୟରେ ପୋଷ୍ଟର ସେୟାର କରିଛନ୍ତି, ଯେଉଁଥିରେ ସିଦ୍ଧାର୍ଥ ମଲହୋତ୍ରା ଏକ ଭିନ୍ନ ରୂପରେ ନଜର ଆସୁଛନ୍ତି ।
ଫିଲ୍ମର ରିଲିଜ୍ ତାରିଖ ଘୋଷଣା କରି RSVP ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଲେଖିଛନ୍ତି, 'ଲକ୍ଷ୍ୟ ସ୍ଥିର ଅଛି। ପାକିସ୍ତାନର ହୃଦୟରେ ଭାରତର ସବୁଠାରୁ ସାହସିକ RAW ମିଶନର ଏକ ଅଂଶ ହେବାକୁ ପ୍ରସ୍ତୁତ ହୋଇଯାଆନ୍ତୁ । ସେ ଆହୁରି ମଧ୍ୟ ଲେଖିଛନ୍ତି, ପ୍ରକୃତ ଘଟଣା ଦ୍ୱାରା ଅନୁପ୍ରାଣିତ ମିସନ୍ ମଜନୁ 2022 ଜୁନ୍ 10ରେ ମୁକ୍ତିଲାଭ କରୁଛି । ପୋଷ୍ଟରରେ ଏହା ଦେଖିବାକୁ ମିଳିଛି ଯେ ଅଭିନେତା ସିଦ୍ଧାର୍ଥ ଜଳୁଥିବା ବିଲ୍ଡିଂ ମଧ୍ୟରେ ଯାଉଥିବାର ଦେଖାଯାଏ ଏବଂ ତାଙ୍କ ପଛରେ ଏକ ମ୍ୟାପ୍ ମଧ୍ୟ ନଜର ଆସୁଛି । ଏହା ସହିତ ତାଙ୍କ ହାତରେ ଏକ ବନ୍ଧୁକ ମଧ୍ୟ ଦେଖିବାକୁ ମିଳୁଛି । ତେବେ ଏହି ଫିଲ୍ମ 2022 ମେ 13ରେ ରିଲିଜ ହେବାର ଥିଲା, କୋରୋନା ମହାମାରୀ ଯୋଗୁ ଫିଲ୍ମର ରିଲିଜ ତାରିଖକୁ ସ୍ଥଗିତ କରାଯାଇଥିଲା ।