ମ୍ୟାନେଜର ସୌମ୍ୟାଙ୍କ ମୃତ୍ୟୁରେ ମିକାଙ୍କ ଶୋକ ପ୍ରକାଶ

ମିକା ସିଂଙ୍କ ମ୍ୟାନେଜରଙ୍କ ଆତ୍ମହତ୍ୟା । ମୁମ୍ବାଇ ଅନ୍ଧେରୀସ୍ଥିତ ଷ୍ଟୁଡିଓରୁ ଉଦ୍ଧାର ହୋଇଥିଲା ତାଙ୍କ ମୃତଦେହ । ଆତ୍ମହତ୍ୟାର କାରଣ ଅଧିକ ଡ୍ରଗ୍ସ ନେବା କୁହାଯାଉଛି ।

ମୁମ୍ବାଇ: ଫେମସ ପ୍ଲେବ୍ୟାକ ସିଙ୍ଗର ମିକା ସିଂଙ୍କ ମ୍ୟାନେଜର ସୌମ୍ୟା ଖାନ ଗତ 3 ତାରିଖରେ ଆତ୍ମହତ୍ୟା କରିଥିଲେ । ରିପୋର୍ଟ ଅନୁଯାୟୀ ସୌମ୍ୟା ଅଧିକ ନିଦ ମେଡିସିନ ଖାଇ ଆତ୍ମହତ୍ୟା କରିଛନ୍ତି । ଯାହାକୁ ନେଇ ଶୋକ ପ୍ରକାଶ କରିଥିଲେ ମିକା । ବର୍ତ୍ତମାନ ତାଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ସେ ସୋସିଆଲ ମିଡିଆରେ ସୌମ୍ୟାଙ୍କ ମୃତ୍ୟୁରେ ଦୁଃଖ ପ୍ରକାଶ କରିଛନ୍ତି ।

ସୋମ୍ୟାଙ୍କ ନିଧନ ସୂଚନା ମିକାଙ୍କ ପୋଷ୍ଟ ପରେ ସାମ୍ନାକୁ ଆସିଥିଲା । ତାଙ୍କ ମୃତ୍ୟୁର କାରଣ ମାନସିକ ଅବସାଦ ଓ ଅତ୍ୟଧିକ ଡ୍ରଗ୍ସ ବୋଲି କୁହାଯାଉଛି । ଇନଷ୍ଟାଗ୍ରାମରେ ସୌମ୍ୟାଙ୍କ ଏକ ଫଟୋ ସେୟାର କରି ମିକା ଲେଖିଥିଲେ, ‘ଏହା ଜଣାଇବାରେ ବହୁତ ଦୁଃଖ ଲାଗୁଛି ଯେ ଆମ ସ୍ନେହର ସୌମ୍ୟା ଖାନ ଏ ଦୁନିଆରେ ଆଉ ନାହାଁନ୍ତି । ସେ ବହୁତ କମ ବୟସରେ ଦୁନିଆକୁ ଅଲବିଦା କହିଛନ୍ତି । ଆଉ ନିଜ ପଛରେ ଅନେକ ସ୍ନେହଭରା ସ୍ମୃତି ଛାଡି ଚାଲି ଯାଇଛନ୍ତି । ଭଗବାନ ତାଙ୍କ ଆତ୍ମାକୁ ଶାନ୍ତି ଦିଅନ୍ତୁ । ମୁଁ ତାଙ୍କ ସ୍ବାମୀ ଓ ପରିବାରକୁ ସାନ୍ତ୍ବନା ଦେଉଛି।’

ପ୍ରକାଶ ଥାଉ କି ଏହି ଖବରଟି ଅଭିନେତା କମଲ ରାସିଦ ଖାନ ଓରଫ କେଆରକେ ତାଙ୍କ ଟ୍ବିଟର ଆକାଉଣ୍ଟରେ ପୋଷ୍ଟ କରିଥିଲେ । ଯେଉଁଥିରେ ସେ ଲେଖିଥିଲେ, ମିକା ସିଂଙ୍କ ମ୍ୟାନେଜର ସୌମ୍ୟା ଖାନଙ୍କ ଆତ୍ମହତ୍ୟା’।