ମୁମ୍ବାଇ: ମେଗାଷ୍ଟାର ଅମିତାଭ ବଚ୍ଚନ ସବୁବେଳେ ଫ୍ୟାନ୍ସଙ୍କ ସହ କନେକ୍ଟ ରହିବା ପାଇଁ ସୋସିଆଲ ମିଡିଆରେ ଆକ୍ଟିଭ ରୁହନ୍ତି । ସେ ପ୍ରାୟତଃ ନିଜ ସହ ସମ୍ପୃକ୍ତ ଜିନିଷ ସେୟାର କରି ଫ୍ୟାନ୍ସଙ୍କ ମନୋରଞ୍ଜନ କରନ୍ତି । ଦିନେ ଛଡା ଦିନେ ତାଙ୍କ ସୋସିଆଲ ମିଡିଆରେ କିଛି ନା କିଛି ପୋଷ୍ଟ ଦେଖିବାକୁ ମିଳେ । ଏଥର ସେ ପୁଅ ତଥା ଅଭିନେତା ଅଭିଷେକ ବଚ୍ଚନଙ୍କ ସହ ନିଜର ପ୍ରାଇସଲେସ ଫଟୋ ସେୟାର କରିଛନ୍ତି।
ସେ ବୁଧବାର ଇନଷ୍ଟାଗ୍ରାମରେ ଦୁଇଟି ଫଟୋକୁ କୋଲାଜ କରି ପୋଷ୍ଟ କରିଛନ୍ତି । ଉପର ଫଟୋରେ ଅଭିଷେକ ବାପାଙ୍କ ସହ ଠିଆ ହୋଇଥିବା ବେଳେ ତଳ ଫଟୋରେ ସେ ବାପାଙ୍କ ସହ ଖେଳୁଥିବାର ନଜର ଆସୁଛନ୍ତି । ପିଲାବେଳ ଫଟୋରେ ଅଭିଷେକଙ୍କ କ୍ୟୁଟ ଅନ୍ଦାଜ ଦେଖିବାକୁ ମିଳୁଛି । ସେହିରି ଫଟୋରେ କ୍ୟାପସନରେ ଅମିତାଭ ଲେଖିଛନ୍ତି, ‘ପୂର୍ବର ଆଉ ବର୍ତ୍ତମାନର ।’