ହାଇଦ୍ରାବାଦ: ସୋସିଆଲ ମିଡିଆରେ ଏକ ଭଲ ଉଦାହରଣ ରଖିଛନ୍ତି କୋଲକାତାର ରାନୁ ମଣ୍ଡଳ । ରେଳ ଷ୍ଟେସନରୁ ବଲିଉଡର ଯାତ୍ରା, ଶୁଣିବାକୁ ଛୋଟ ଲାଗୁଥିବା ମଧ୍ୟ ଏହା ସହଜ ନଥିଲା ଓ ଏହାର ଶ୍ରେୟ ସେହି ବ୍ୟକ୍ତିଙ୍କୁ ଯିଏ ରାନୁଙ୍କ ଭିଡିଓକୁ ସୋସିଆଲ ମିଡିଆରେ ସେୟାର କରି ତାଙ୍କୁ ଭାଇରାଲ କରିଥିଲେ ।
ଜାଣନ୍ତୁ ରାନୁ ମଣ୍ଡଳଙ୍କୁ ପପୁଲାର କରିଥିବା ବ୍ୟକ୍ତିଙ୍କ ବିଷୟରେ... - Atindra chakrobarty
ଇଣ୍ଟରନେଟ ସେନସେସନ୍ ରାନୁ ମଣ୍ଡଳଙ୍କ ସଫଳତା ପଛରେ ଥିବା ମଣିଷ ଜଣଙ୍କ ବିଷୟରେ ଜାଣିବା ଆବଶ୍ୟକ । ସୋସିଆଲ ମିଡିଆରେ ଉଦାହରଣ ପାଲଟିଛନ୍ତି ରାନୁ ।
ଫଟୋ ସୌଜନ୍ୟ: ସୋସିଆଲ ମିଡିଆ
ରାନୁଙ୍କ ଜୀବନ ବଦଲାଇଥିବା ମଣିଷ ଜଣକ ହେଉଛନ୍ତି ଆତିନ୍ଦ୍ର ଚକ୍ରବର୍ତ୍ତୀ । ଏପରିକି ହିମେଶ ରେସମିୟାଙ୍କ ସହ ଗୀତ ଗାଇବା ସମୟରେ ମଧ୍ୟ ଆତିନ୍ଦ୍ର ତାଙ୍କ ସହ ଷ୍ଟୁଡିଓରେ ସାମିଲ ଥିଲେ । ଆତିନ୍ଦ୍ର ମଧ୍ୟ କେବେ ଭାବି ନଥିଲେ ତାଙ୍କର ଏକ ଭିଡିଓରେ ଜଣେ ମହିଳାଙ୍କ ଜୀବନ ପରିବର୍ତ୍ତନ କରିପାରିଛି ।
ଆତିନ୍ଦ୍ର ଜଣେ ସଫ୍ଟୱେୟାର ଇଞ୍ଜିନିୟର । କୋଲକାତାର ରାଣଘାଟ ଷ୍ଟେସନରେ ରାନୁଙ୍କ ଗୀତ ଶୁଣି ଅଟକି ଯାଇଥିଲେ ଆତିନ୍ଦ୍ର ଓ ପରେ ଭିଡିଓ କରି ସୋସିଆଲ ମିଡିଆରେ ସେୟାର କରିଥିଲେ ।