ଭାରତରେ ଖୁବଶୀଘ୍ର ରିଲିଜ ହେବ ‘ବ୍ଲାକ ୱିଡୋ’, ଜାଣନ୍ତୁ କେବେ...

ଇନଷ୍ଟାଗ୍ରାମରେ ‘ବ୍ଲାକ ୱିଡୋ’ର ପୋଷ୍ଟର ସେୟାର କରି ଭାରତରେ ରିଲିଜ ହେବା ସୂଚନା ଦେଲେ ତରଣ ଆଦର୍ଶ । ଅଧିକ ପଢନ୍ତୁ...

ମୁମ୍ବାଇ: ଖୁବଶୀଘ୍ର ଭାରତରେ ରିଲିଜ ହେବାକୁ ଯାଉଛି ମାର୍ବଲ ଷ୍ଟୁଡିଓର ବୁହ ପ୍ରତିକ୍ଷିତ ଫିଲ୍ମ ‘ବ୍ଲାକ ୱିଡୋ’। ମୁଖ୍ୟ ଭୂମିକାରେ ଫିଲ୍ମରେ ନଜର ଆସିବେ ହଲିଉଡର ଫେମସ ଅଭିନେତ୍ରୀ ସ୍କାରଲେଟ୍ ଜୋହାନସନ୍ । ଇତିମଧ୍ୟରେ ଦୀର୍ଘ ସମୟରୁ ଫିଲ୍ମ ଦେଖିବାକୁ ଅପେକ୍ଷା କରିଥିବା ଭାରତୀୟ ଦର୍ଶକଙ୍କ ପାଇଁ ସାମ୍ନାକୁ ଆସିଛି ଗୁଡନ୍ୟୁଜ । କାରଣ ଆସନ୍ତା ଜୁଲାଇ 9ରେ ଏହି ଫିଲ୍ମକୁ ଭାରତରେ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ ।

ଯାହାର ସୂଚନା ଫିଲ୍ମ କ୍ରିଟିକ ତରଣ ଆଦର୍ଶ ଇନଷ୍ଟାଗ୍ରାମରେ ଦେଇଛନ୍ତି । ସେ ଫିଲ୍ମର ଏକ ପୋଷ୍ଟର ସେୟାର କରି ଲେଖିଛନ୍ତି, ‘ମାର୍ବଲର ପରବର୍ତ୍ତୀ ସୁପରହିଟ୍ ଫିଲ୍ମ ବ୍ଲାକ୍ ୱିଡୋ 2021 ଜୁଲାଇ 9ରେ ରିଲିଜ ହେବାକୁ ଯାଉଛି । 6ଟି ଭାଷାରେ ତଥା ଇଂରାଜୀ, ହିନ୍ଦୀ, ତାମିଲ, ତେଲୁଗୁ, କନ୍ନଡ ଏବଂ ମାଲାୟାଲମରେ ଫିଲ୍ମ ରିଲିଜ କରିବାକୁ ଯୋଜନା କରିଛନ୍ତି ମେକର୍ସ । ଏବେ ନୂଆ ପୋଷ୍ଟର ରିଲିଜ କରାଯାଇଛି ।’

ପ୍ରକାଶ ଥାଉକି ‘ବ୍ଲାକ ୱିଡୋ’ ଗତ ବର୍ଷ ଏପ୍ରିଲ 30ରେ ଆମେରିକାରେ ଆଉ ମେ 1ରେ ରିଲିଜ ହେବାର ଥିଲା । ହେଲେ କୋରୋନା ମହାମାରୀ ପାଇଁ ଫିଲ୍ମର ରିଲିଜକୁ ସ୍ଥଗିତ ରଖାଯାଇଥିଲା ।