ହସିହସି ହେବେ ବେଦମ, ଦେଖନ୍ତୁ 'ମଣିକର୍ଣ୍ଣିକା' ମେକିଙ୍ଗ ଭିଡିଓ

କଙ୍ଗନା ରଣାୱତଙ୍କ ଫିଲ୍ମ 'ମଣିକର୍ଣ୍ଣିକା' ନିକଟରେ ବକ୍ସଅଫିସରେ ରିଲିଜ ହୋଇ ବେଶ ପ୍ରଶଂସା ପାଇଛି । ଖାସକରି ଫିଲ୍ମରେ କଙ୍ଗନାଙ୍କ ଯୁଦ୍ଧ ସିନକୁ ନେଇ ଫିଲ୍ମ କ୍ରିଟିକ୍ସ ବେଶ ପ୍ରଶଂସା କରି ତାହା ଚର୍ଚ୍ଚାରେ ଥିବାବେଳେ ଏନେଇ ଫିଲ୍ମନିର୍ମାତା ତଥା ଅଭିନେତ୍ରୀ ଖୁବ ପରିଶ୍ରମ କରିଛନ୍ତି ବୋଲି କୁହାଯାଉଛି । କିନ୍ତୁ ପରଦାର ଏହି ପରିଶ୍ରମ ଯେ କେବଳ ନକଲି ସିନ, ଅସଲି ଫେମ...ତାହା ନିକଟରେ ଜାଣିବାକୁ ମିଳିଛି କଙ୍ଗନାଙ୍କର ଗୋଟିଏ ଭାଇରାଲ ଭିଡିଓରୁ...

ମୁମ୍ବାଇ: କଙ୍ଗନା ରଣାୱତଙ୍କ ଫିଲ୍ମ 'ମଣିକର୍ଣ୍ଣିକା' ନିକଟରେ ବକ୍ସଅଫିସରେ ରିଲିଜ ହୋଇ ବେଶ ପ୍ରଶଂସା ପାଇଛି । ଖାସକରି ଫିଲ୍ମରେ କଙ୍ଗନାଙ୍କ ଯୁଦ୍ଧ ସିନକୁ ନେଇ ଫିଲ୍ମ କ୍ରିଟିକ୍ସ ବେଶ ପ୍ରଶଂସା କରି ତାହା ଚର୍ଚ୍ଚାରେ ଥିବାବେଳେ ଏନେଇ ଫିଲ୍ମନିର୍ମାତା ତଥା ଅଭିନେତ୍ରୀ ଖୁବ ପରିଶ୍ରମ କରିଛନ୍ତି ବୋଲି କୁହାଯାଉଛି । କିନ୍ତୁ ପରଦାର ଏହି ପରିଶ୍ରମ ଯେ କେବଳ ନକଲି ସିନ, ଅସଲି ଫେମ...ତାହା ନିକଟରେ ଜାଣିବାକୁ ମିଳିଛି କଙ୍ଗନାଙ୍କର ଗୋଟିଏ ଭାଇରାଲ ଭିଡିଓରୁ...

କଙ୍ଗନାଙ୍କ ଫିଲ୍ମ ସହ ଜଡିତ ଏମିତି ଗୋଟିଏ ଭିଡିଓ ଭାଇରାଲ ହୋଇଛି, ଯାହାକି ଫିଲ୍ମ 'ମଣିକର୍ଣ୍ଣିକା' ମେକିଂ ଭିଡିଓ । ସୋସିଆଲ ମିଡିଆରେ ଫିଲ୍ମ ମେକିଂର ଏହି ଭିଡିଓରେ, କଙ୍ଗନା ଘୋଡାରେ ବସି ଯୁଦ୍ଧ କରିବାର ସିନ ନଜର ଆସିଛି । କିନ୍ତୁ ସିନଟି ଶେଷ ଯାଏଁ ଦେଖିଲେ ଆପଣ ହସି ହସି ବେଦମ ହେବେ ।

ଭିଡିଓରେ କଙ୍ଗନା ଘୋଡା ଉପରେ ବସିଛନ୍ତି, ଆଉ ତାଙ୍କ ପାଖରେ ଜଣେ ବ୍ୟକ୍ତି କଙ୍ଗନାଙ୍କୁ ଛତା ଦେଖାଇଛନ୍ତି । ସୁଟିଂ ଆରମ୍ଭ ହେବାରୁ କଙ୍ଗନା ଯୁଦ୍ଧ ପାଇଁ ଆଗକୁ ବଢିଛନ୍ତି ଓ ତାଙ୍କ ପଛରେ ସୈନିକ ଅଛନ୍ତି । ସେହି ସମୟରେ କଙ୍ଗନା କ୍ରୋଧର ସହ ଖଣ୍ଡା ଚଲାଇଛନ୍ତି ଆଉ ସୈନିକମାନେ ମଧ୍ୟ ତାଙ୍କ ଆଗକୁ ପଳାଇଛନ୍ତି । କିନ୍ତୁ କଙ୍ଗନାଙ୍କ ଘୋଡା ଗୋଟିଏ ଯାଗାରେ ଯାଇ ରହିଯାଇଛି । ଆଉ ଘୋଡିଟି କାହିଁକି ରହିଯାଉଛି ଜାଣନ୍ତି, କାରଣ ଘୋଡିଟି ଅସଲି ନୁହେଁ ନକଲି...ଯାହାକି ଆପଣ ଭିଡିଓରେ ଦେଖିପାରିବେ ।