ରୋମୋଣ୍ଟିକ ଫଟୋ ସେୟାର କଲେ ମଲାଇକା, ଲେଖିଲେ ଅର୍ଜୁନ ମୋର

ଭାଲେଣ୍ଟାଇନ୍ସ ଡେ'ରେ ପୁଣି ଚର୍ଚ୍ଚାକୁ ଆସିଲେ ମଲାଇକା ଅରୋରା ଏବଂ ଅର୍ଜୁନ କପୁର। ଅଭିନେତ୍ରୀ ମଲାଇକା ଅରୋରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅର୍ଜୁନ କପୁରଙ୍କୁ ଆଲିଙ୍ଗନ କରୁଥିବା ଏକ ଫଟୋ ସେୟାର କରି ଲେଖିଛନ୍ତି- ମୋର । ଅଧିକ ପଢନ୍ତୁ

ହାଇଦ୍ରାବାଦ: ବଲିଉଡ ଅଭିନେତ୍ରୀ ମଲାଇକା ଅରୋରା ଏବଂ ଅଭିନେତା ଅର୍ଜୁନ କପୁରଙ୍କ ଲଭ ଷ୍ଟୋରୀକୁ କିଏ ବା ନଜାଣେ । ମଲାଇକା ଏବଂ ଅର୍ଜୁନ ଜଣେ ଅନ୍ୟ ଜଣଙ୍କର ଦିଓ୍ବାନା, ଏଥିରେ କୌଣସି ସନ୍ଦେହ ନାହିଁ । ଆଜି ଭାଲେଣ୍ଟାଇନ୍ସ ଡେ'ରେ ପୁଣି ଥରେ ମଲାଇକା ଅରୋରା କହିଛନ୍ତି ଯେ, ଅର୍ଜୁନ କପୁର କେବଳ ତାଙ୍କର । ଅର୍ଜୁନଙ୍କ ସହ ଏକ ରୋମାଣ୍ଟିକ ଫଟୋ ସେୟାର କରି ମଲାଇକା ନିଜର ପ୍ରେମ ବ୍ୟକ୍ତ କରିଛନ୍ତି।

ମଲାଇକା ସେୟାର କରିଛନ୍ତି ରୋମାଣ୍ଟିକ୍ ଫଟୋ

ମଲାଇକା ଅରୋରା ନିଜ ଇନଷ୍ଟାଗ୍ରାମ ଆକାଉଣ୍ଟରେ ଅର୍ଜୁନ କପୁରଙ୍କୁ ଆଲିଙ୍ଗନ କରୁଥିବା ଏକ ଫଟୋ ସେୟାର କରିଛନ୍ତି । ଏହି ଫଟୋରେ, ମଲାଇକା ଆଖି ବନ୍ଦ କରି ଦେଇଛନ୍ତି ଏବଂ ସ୍ନେହରେ ଅର୍ଜୁନଙ୍କୁ ଆଲିଙ୍ଗନ କରୁଛନ୍ତି । ଅର୍ଜୁନ ମଲାଇକାଙ୍କ କପାଳରେ ଚୁମ୍ବନ ଦେଉଥିବାର ଦେଖାଯାଇଛି । ମଲାଇକା ଫଟୋ କ୍ୟାପସନ୍ ଦେଇଛନ୍ତି- 'ମୋର ❤️ ' । ଫଟୋରେ, ମଲାଇକା ଧଳା ରଙ୍ଗର ଏକ କୋ-ଅର୍ଡ ସେଟ୍ ପିନ୍ଧିଛନ୍ତି । ଅର୍ଜୁନ କପୁରଙ୍କୁ କଳା ଟି-ସାର୍ଟ ଏବଂ ପାଇଜାମାରେ ଦେଖିବାକୁ ମିଳିଛି । ଉଭୟଙ୍କ ଏହି ରୋମାଣ୍ଟିକ୍ ଫଟୋକୁ ପ୍ରଶଂସକମାନେ ପସନ୍ଦ କରିଛନ୍ତି ।

ଫଟୋରେ ଟ୍ବିଙ୍କଲ ଖାନ୍ନାଙ୍କ କମେଣ୍ଟ

ଟ୍ବିଙ୍କଲ ଖାନ୍ନା ଫଟୋ ଉପରେ କମେଣ୍ଟ ଦେଇଛନ୍ତି - Aww । ଏଥିସହିତ ମହିପ କପୁର, ରାହୁଲ ଖାନ୍ନା, ଗାୟକ ଲିସା ମିଶ୍ର ଉଭୟଙ୍କୁ କ୍ୟୁଟ କହି ହୃଦୟ ଇମୋଜି ସେୟାର କରିଛନ୍ତି । ମଲାଇକା ଅରୋରା ଏବଂ ଅର୍ଜୁନ କପୁର ଦୁହେଁ ପରସ୍ପରକୁ ଅନେକ ଦିନରୁ ଡେଟ କରୁଛନ୍ତି । ସର୍ବସାଧାରଣରେ ଯଦିଓ ଜଣେ ଅନ୍ୟ ଜଣଙ୍କ ବିଷୟରେ କଥା ହୁଅନ୍ତି, କିନ୍ତୁ ଇନଷ୍ଟାଗ୍ରାମରେ ଦୁହେଁ ନିଜ ରିଲେସନସିପକୁ ପ୍ରଥମରୁ ଅଫିସିଆଲ କରିଦେଇଛନ୍ତି । ଦୁହିଁଙ୍କୁ ସବୁବେଳେ ଏକାଠି ପାର୍ଟି କରୁଥିବାର ଏବଂ ଛୁଟି ଦିନରେ ବୁଲିବାକୁ ଯାଉଥିବାର ଦେଖାଯାଏ।

ବ୍ୟୁରୋ ରିପୋର୍ଟ, ଇଟିଭି ଭାରତ