'ହିରୋପନ୍ତି- ୨'ରେ ଟାଇଗରଙ୍କ ହିରୋଇନ ସାଜିବେ ତାରା

'ହିରୋପନ୍ତି- ୨' ରେ ଟାଇଗର ଶ୍ରଫଙ୍କ ସହ ତାରା ସୂତାରିଆ ମୁଖ୍ୟ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ର ସହିତ ତାରା ଏବଂ ଟାଇଗର ଦୁଇ ବର୍ଷ ପରେ ପୁଣି ଥରେ ସ୍କ୍ରିନ୍ ସ୍ପେସ୍ ସେୟାର୍ କରିବେ । ଅଧିକ ପଢନ୍ତୁ...

ମୁମ୍ବାଇ: ନିକଟରେ ଅନେକ ଯୋଜନା ପରେ 'ହିରୋପନ୍ତି- ୨'ର ନିର୍ମାତାମାନେ ଶେଷରେ ଏହି ଚଳଚ୍ଚିତ୍ରରେ ଅଭିନେତା ଟାଇଗର ଶ୍ରଫଙ୍କ ସହ ଅଭିନେତ୍ରୀ ତାରା ସୂତାରିଆଙ୍କୁ ଫିମେଲ ଲିଡ୍ ବୋଲି ଘୋଷଣା କରିଛନ୍ତି ।

ଏଥିସହିତ, ତାରା ମଧ୍ୟ ନିର୍ମାତାଙ୍କ ଆଗାମୀ ଚଳଚ୍ଚିତ୍ର ତଡପ୍ ର ଏକ ଅଂଶ, ଯେଉଁଥିରେ ସେ ଅହାନ୍ ଶେଟ୍ଟୀଙ୍କ ସହ ନଜର ଆସିବେ ।

ପ୍ରଡକ୍ସନ୍ ହାଉସରୁ ଶୁଣିବାକୁ ମିଳିଛି ଯେ, ସାଜିଦ୍ ସାର୍ ଅହାନଙ୍କ ଡେବ୍ୟୁ ଫିଲ୍ମରେ ତାରାଙ୍କର କିଛି ସିନ୍ ଦେଖିଥିଲେ । ଯାହାପରେ ତାରାଙ୍କ ଚମତ୍କାର ଅଭିନୟ ସାଜିଦଙ୍କ ହୃଦୟ ଜିତିଥିଲା । ତାରା ହିଁ ଯିଏ କି ଟାଇଗରଙ୍କ ସହ 'ହିରୋପନ୍ତି- ୨'ରେ ତାଙ୍କ ଭୂମିକା ପାଇଁ ଏକ ଉପଯୁକ୍ତ ମ୍ୟାଚ୍ ହେବେ ।

ଏହି ଚଳଚ୍ଚିତ୍ର ସହିତ ତାରା ଏବଂ ଟାଇଗର ଦୁଇ ବର୍ଷ ପରେ ପୁଣି ଥରେ ସ୍କ୍ରିନ୍ ସ୍ପେସ୍ ସେୟାର କରିବେ ।

ଚଳିତ ବର୍ଷ ଆରମ୍ଭରେ ନିର୍ମାତା ସାଜିଦ ନାଡିଆଡୱାଲା 'ହିରୋପନ୍ତି- ୨'ର ଘୋଷଣା କରିଥିଲେ ।

ବ୍ୟୁରୋ ରିପୋର୍ଟ, ଇଟିଭି ଭାରତ