ମୁମ୍ବାଇ: ବିବାଦରେ ରହିବାକୁ ସବୁବେଳେ ଭଲ ପାଆନ୍ତି ବି-ଟାଉନର କୁଇନ କଙ୍ଗନା ରଣାୱତ । ସୁଶାନ୍ତ ସିଂ ରାଜପୁତଙ୍କ ମାମଲା ପରଠୁ ସେ ସୋସିଆଲ ମିଡିଆରେ ସେଲିବ୍ରିଟିଙ୍କ ଠୁ ନେଇ ରାଜନେତାଙ୍କୁ କଡା ଜବାବ ଦେଇ ଆସୁଛନ୍ତି । ନିକଟରେ ସେ ଶିବସେନା ନେତା ସଞ୍ଜୟ ରାଉତଙ୍କ ଏକ ଟ୍ବିଟର ଜବାବ ଦେଇ କହିଥିଲେ ଯେ ମୁମ୍ବାଇରେ ବର୍ତ୍ତମାନ କାଶ୍ମୀର ପରିସ୍ଥିତି ସୃଷ୍ଟି ହୋଇଛି । ଯେଉଁଠାରେ ରହିବା କଷ୍ଟଦାୟକ । ଏହାସହ ସେ ମୁମ୍ବାଇ ପୋଲିସର କାର୍ଯ୍ୟକୁ ମଧ୍ୟ ନିନ୍ଦା କରିଥିଲେ । ଏହି ପ୍ରତିକ୍ରିୟା ପରେ ତାଙ୍କର ଖୁବ୍ ସମାଲୋଚନା ହୋଇଛି । ଯାହାପରେ ତାଙ୍କୁ କଡା ଜବାବ ଦେଇଥିଲେ ସଞ୍ଜୟ । ଇତିମଧ୍ୟରେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ତାଙ୍କ ଉପରେ ଆଶ୍ଚର୍ଯ୍ୟକର ବୟାନ ଦେଇ ଚର୍ଚ୍ଚାରେ ।
ଭିଡିଓ ସୌଜନ୍ୟ: ଇଟିଭି ଭାରତ, ବ୍ୟୁରୋ
କଙ୍ଗନାଙ୍କ କାଶ୍ମୀର ବୟନକୁ ଆଧାର କରି ଅନିଲ କହିଛନ୍ତି, ‘ଯଦି କଙ୍ଗନା ମୁମ୍ବାଇ ପୋଲିସର କାର୍ଯ୍ୟ ଉପରେ ପ୍ରଶ୍ନବାଚୀ ସୃଷ୍ଟି କରିଛନ୍ତି ତେବେ ତାଙ୍କ ପାଖରେ ନୈତିକ ଅଧିକାର ନାହିଁ ମୁମ୍ବାଇରେ ରହିବା ପାଇଁ ।’