ଭୋଟ ଦେଇ ପାରିବେନି ଏହି ଷ୍ଟାର

ବି-ଟାଉନରେ ଅଧିକାଂଶ ଏମିତି କଳାକାର ଅଛନ୍ତି ଯେଉଁମାନେ ଭାରତରେ ଦେଇ ପାରିବେନି ଭୋଟ । କାରଣ ଏମାନଙ୍କ ପାଖରେ ନାହିଁ ଭାରତୀୟ ନାଗରିକତ୍ବ । ବି-ଟାଉନ ଖିଲାଡୀଙ୍କ ଠାରୁ ନେଇ ବେବି ଡଲଙ୍କ ପର୍ଯ୍ୟନ୍ତ ଷ୍ଟାର ଏହି ତାଲିକାରେ ସାମିଲ ହୋଇଛନ୍ତି ।

ମୁମ୍ବାଇ: ଦେଶର 17ତମ ଲୋକସଭା ନିର୍ବାଚନ ପାଇଁ ରାଜନେତା ଠୁ ଅଭିନେତା ସମସ୍ତେ ବ୍ୟସ୍ତ । ଏହି ନିର୍ବାଚନ ରଙ୍ଗରେ ବଲିଉଡ ମଧ୍ୟ ରଙ୍ଗେଇ ହୋଇଛି । ଷ୍ଟାର୍ସ ମଧ୍ୟ ନିଜ ଫ୍ୟାନ୍ସଙ୍କୁ ବୁଝିବିଚାରି ଭୋଟ ଦେବାକୁ ପରାର୍ମଶ ଦେବାରେ ଲାଗିଛନ୍ତି । ମାତ୍ର ଦେଶବାସୀଙ୍କୁ ଟିପ୍ସ ଦେଉଥିବା ଖୋଦ ଏହି ଷ୍ଟାର୍ସ ମତଦାନରୁ ବଞ୍ଚିତ ହେବେ ।

ଏହି ତାଲିକାରେ ସବୁଠାରୁ ଆଶ୍ଚର୍ଯ୍ୟକର ନାମ ହେଲା ଅଭିନେତ୍ରୀ ଆଲିୟା ଭଟ୍ଟ, ଅକ୍ଷୟ କୁମାର, ସୋନୀ ରାଜଦାନ, ହେଲେନ(ସଲମାନ ଖାନଙ୍କ ସାବତ ମା') ଓ ଇମରାନ ଖାନ । ଏମାନେ ଭାରତରେ ରହୁଛନ୍ତି ସତ କିନ୍ତୁ ତାଙ୍କ ପାଖରେ ନାହିଁ ଭାରତର ନାରାରିକତ୍ବ । ସେପଟେ ଭାରତରେ ରହି କାମ କରୁଥିବା କିଛି ଷ୍ଟାର୍ସଙ୍କ ମଧ୍ୟରୁ ସନ୍ନି ଲିଓନି, ଆମି ଜ୍ୟାକସନ, କଲ୍କି କୋଚଲିନ, ସପନା ପବ୍ବୀ, ଜ୍ୟାକଲିନ, ଏୱନିଲ ଶର୍ମା, ଏଲୀ ଅବରାମ, ହେଲେନ ଏବଂ କ୍ୟାଟ୍ରିନା କୈଫ ମଧ୍ୟ ଦେଇ ପାରିବେନି ଭୋଟ ।

ମହେଶ ଭଟ୍ଟଙ୍କ ଝିଅ ଆଲିୟା ଏବଂ ତାଙ୍କ ପତ୍ନୀ ଅର୍ଥାତ୍ ଅଭିନେତ୍ରୀ ସୋନୀଙ୍କ ନାମ ମଧ୍ୟ ଏହି ତାଲିକାରେ ସାମିଲ ହୋଇଛି । ସୋନୀ ବ୍ରିଟିଶ ନାଗରିକ ହୋଇଥିବାରୁ ତାଙ୍କର କି ଝିଅ ଆଲିୟାଙ୍କ ପାଖରେ ମଧ୍ୟ ଭାରତୀୟ ନାଗରିକତା ନାହିଁ । ତାଙ୍କ ପାଖରେ ବ୍ରିଟିଶ ପାସପୋର୍ଟ ଅଛି । ତେଣୁ ମା' ଝିଅ ଭୋଟ କରିପାରିବେ ନାହିଁ । ଆଲିୟା ମଧ୍ୟ ନିକଟରେ ଏକ ସାକ୍ଷାତକାରରେ କହିଥିଲେ ଯେ ସେ ଭୋଟ ଦେଇପାରିବେନାହିଁ । କାରଣ ତାଙ୍କ ପାଖରେ ଭାରତର ନାଗରିକତା ନାହିଁ ।

ଦେଶଭକ୍ତ ସହ ସମ୍ପୃକ୍ତ ଅନେକ ପ୍ରସଙ୍ଗ ନିଜ ଫିଲ୍ମ ଜରିଆରେ ଦେଶ ପ୍ରେମର ଭାବନା ଜାଗ୍ରତ କରୁଥିବା ଅଭିନେତା ଅକ୍ଷୟଙ୍କ ପାଖରେ ମଧ୍ୟ ଭାରତର ନାଗରିକତା ନାହିଁ । ଅକ୍ଷୟଙ୍କ ପାଖରେ କାନାଡାର ପାସପୋର୍ଟ ଅଛି । ତେଣୁ ସେ ମଧ୍ୟ ନିର୍ବାଚନରେ ନିଜର ମତଦାନ କରିପାରିବେ ନାହିଁ ।