ମୁମ୍ବାଇ: ସ୍ବର ସାମ୍ରାଜ୍ଞୀ ଲତା ମଙ୍ଗେସକର ପ୍ରାୟତଃ ସୋସିଆଲ ମିଡିଆରେ ପ୍ରଶଂସକଙ୍କ ପାଇଁ କିଛି ନା କିଛି ପୋଷ୍ଟ କରୁଥିବାର ନଜର ଆସନ୍ତି । କେବେ ପୁରୁଣା ଗୀତ ସେୟାର କରି ଅନେକ କାହାଣୀ ଶୁଣାଇଥାଆନ୍ତି ତ ଆଉ କେବେ ଦେଶବାସୀଙ୍କୁ ସଚେତନା ବାର୍ତ୍ତା ଦିଅନ୍ତି । ଏଥର ମଧ୍ୟ ଏମିତି କିଛି ତାଙ୍କ ସୋସଆଲ ମିଡିଆରେ ଦେଖିବାକୁ ମିଳୁଛି । ପ୍ରଶଂସକଙ୍କୁ କିଛି ଅପିଲ କରିଛନ୍ତି ସେ । କାରଣ ଆଉ କିଛି ଦିନ ପରେ ପୁରା ଦେଶବାସୀ ପଳନ କରିବାକୁ ଯାଉଛନ୍ତି ଦୀପାବଳି । ଏଥିପାଇଁ ଟ୍ବିଟ କରି ସେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ କଥା ମାନିବାକୁ ସମସ୍ତଙ୍କୁ କହିଛନ୍ତି ।
ରବିବାର ଏକ ଟ୍ବିଟରେ ଲେଖିଥିଲେ, ‘ମୁଁ ଅନୁଭବ କରୁଛି ଯେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଆଜି ଟେଲିଭିଜନରେ ଯାହା କହିଛନ୍ତି ତାହା ପାଳନ କରିବା ସମସ୍ତଙ୍କ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ । ପ୍ରଦୂଷଣକୁ ଯାଞ୍ଚ କରିବା ପାଇଁ ଆପଣ ଏହି ଦୀପାବଳିରେ କମ୍ ବାଣ ବ୍ୟବହାର କରନ୍ତୁ । ଆଲୋକର ପର୍ବ ପାଳନ କର, ମାସ୍କ ପିନ୍ଧିନ୍ତୁ । ନିଜ ସହ ପରିବାର ଏବଂ ସମାଜର ଯତ୍ନ ନିଅନ୍ତୁ ।’