ମୁମ୍ବାଇ: ସ୍ବର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଭଉଣୀ ଶ୍ବେତା ସିଂ କିର୍ତ୍ତି ସ୍ବାଧୀନତା ଦିବସରେ ନିଜ ଭାଇଙ୍କୁ ନ୍ୟାୟ ଦେବା ପାଇଁ ଗ୍ଲୋବାଲ ପ୍ରେୟାର ମିଟର ଆୟୋଜନ କରିଥିଲେ । ଏହାପୂର୍ବରୁ ସେ ସୋସିଆଲ ମିଡିଆରେ ସମସ୍ତଙ୍କୁ ହାତ ଯୋଡି କହିଥିଲେ ସୁଶାନ୍ତଙ୍କ ପ୍ରେୟାର ମିଟରେ ସାମିଲ ହେବାକୁ । ଏହାକୁ ଦୃଷ୍ଟି ରଖି ଏବଂ ସୁଶାନ୍ତଙ୍କ ନ୍ୟାୟ ଦେବା ପାଇଁ ସ୍ବର ଉତ୍ତୋଳନ କରୁଥିବା ଅନେକ ଲୋକ ଏହି ପ୍ରେୟର ମିଟରେ ସାମିଲ ହୋଇଥିବାର ନଜର ଆସିଥିଲେ । ଅନଲାଇନ 10 ଲକ୍ଷରୁ ଅଧିକ ସଂଖ୍ୟାରେ ଲୋକ ଏଥିରେ ଯୋଗ ଦେଇଥିଲେ ।
ଏହାର ସୂଚନା ଦେଇ ଶ୍ବେତା ଇନଷ୍ଟାଗ୍ରାମରେ କିଛି ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ‘ସୁଶାନ୍ତଙ୍କ ପାଇଁ ପ୍ରାର୍ଥନା କରିବାକୁ ପୁରା ଦୁନିଆରୁ ଏକ ମିଲିୟନରୁ ଅଧିକ ଲୋକ ସାମିଲ ହୋଇଛନ୍ତି । ଏହା ଏକ ଆଧ୍ୟାତ୍ମିକ କ୍ରାନ୍ତି ଏବଂ ଏହା ସମଗ୍ର ବିଶ୍ବରେ ଦ୍ରୁତ ଗତିରେ ବଢୁଛି । ଆମର ପ୍ରାର୍ଥନା ଖାଲି ଯିବ ନାହିଁ । #globalprayers4SSR #cbiforssr #godiswithus #justiceforsushant'