ମୁମ୍ବାଇ: ସ୍ବର୍ଗୀୟ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରଠୁ ତାଙ୍କ ଭଉଣୀ ଶ୍ବେତା ସିଂ କ୍ରିର୍ତ୍ତି ସୋସିଆଲ ମିଡିଆରେ ଖୁବ୍ ସକ୍ରିୟ ନଜର ଆସୁଛନ୍ତି । ସେ ସୁଶାନ୍ତଙ୍କ ପାଇଁ ନ୍ୟାୟ ଦାବି କରିବା ସହ ତାଙ୍କ ସହ ସମ୍ପୃକ୍ତ ଥିବା ଅନେକ ଜିନିଷ ଫ୍ୟାନ୍ସଙ୍କ ସହ ସେୟାର କରିବାରେ ଲାଗିଛନ୍ତି । କେବେ ଭାଇ ସୁଶାନ୍ତଙ୍କୁ ନେଇ ଭାବବିହ୍ବଳ ପୋଷ୍ଟ କରୁଛନ୍ତି ତ ଆଉ କେବେ ତାଙ୍କ ପୁରୁଣା ସ୍ମୃତି ସେୟାର କରି ଫ୍ୟାନ୍ସଙ୍କୁ ମଧ୍ୟ ଭାବୁକ କରିଦେଇଛନ୍ତି । ସୋମବାର ସେ ସୋସିଆଲ ମିଡିଆରେ ସୁଶାନ୍ତଙ୍କର କିଛି କୋଲାଜ ଫଟୋ ସେୟାର କରିଛନ୍ତି । ଯେଉଁଥିରେ ସୁଶାନ୍ତ ଭଉଣୀ ରାନି ସିଂଙ୍କ ବିବାହ ବାର୍ଷିକୀରେ ଡାନ୍ସ କରୁଥିବାର ଦେଖାଯାଉଛନ୍ତି ।
ପ୍ରଥମ ଦୁଇଟି ଫଟୋରେ ସୁଶାନ୍ତ ଶ୍ବେତାଙ୍କ ସହ ଡାନ୍ସ କରିବା ପାଇଁ ଗୋଡ ହଲାଉଥିବାର ଦେଖାଯାଉଛନ୍ତି । ସେହିପରି ଫଟୋରେ ସେ ବ୍ଲାକ ସର୍ଟ ବ୍ଲୁ ଜିନ୍ସରେ ଖୁବ୍ ହ୍ୟାଣ୍ଡସମ ନଜର ଆସୁଛନ୍ତି । ତୃତୀୟ ଫଟୋରେ ଚାରି ଭଉଣୀଙ୍କ ସହ ଫଟୋ କ୍ଲିକ କରିବାକୁ ଠିଆ ହୋଇଛନ୍ତି ।