ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ମୃତ୍ୟୁକୁ ଏକ ମାସରୁ ଅଧିକ ସମୟ ବିତିଗଲାଣି । ହେଲେ ଏଯାବତ ତାଙ୍କ ମୃତ୍ୟୁକୁ କେହି ବିଶ୍ବାସ କରିପାରୁନାହିଁନ୍ତି । ସେପଟେ ମୁମ୍ବାଇ ପୋଲିସ କ୍ରମାଗତ ଭାବେ ତାଙ୍କ ମାମଲାରେ ତଦନ୍ତ ଚଳାଇଆସୁଛି । ତାଙ୍କ ସହ ସମ୍ପୃକ୍ତ ଥିବା 40 ଲୋକଙ୍କ ବୟାନ ରେକର୍ଡ କରିସାରିଲାଣି ପୋଲିସ । ହେଲେ କଙ୍ଗନା ରଣାୱତ ତାଙ୍କ ମୃତ୍ୟୁରେ କ୍ରୋଧିତ ହୋଇ ବଲିଉଡ ଉପରେ ପରିବାରବାଦ ଭଳି ଅଭିଯୋଗ ଆଣିଛନ୍ତି । ଇତିମଧ୍ୟରେ ସେ ନିଜ ଦାବିକୁ ସତ ସାବ୍ୟସ୍ତ କରିବା ପାଇଁ ଟିମ ଦ୍ବାରା ଏକ ପୋଷ୍ଟ କରିଛନ୍ତି ।
ଯେଉଁଥିରେ 2015ରେ ହୋଇଥିବା ଏକ ପୋଷ୍ଟକୁ ଖୋଜି ବାହାର କରିଛନ୍ତି ତାଙ୍କ ସୋସିଆଲ ମିଡିଆ ଟିମ। ସେହି ପୋଷ୍ଟରେ ସୁଶାନ୍ତ ପରିବାରବାଦ ଉପରେ ନିଜ ପ୍ରତିକ୍ରିୟା ରଖିଥିଲେ।