ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ସୁସାଇଡ କେସ ଦିନକୁ ଦିନ ବ୍ୟାପକ ହେବାରେ ଲାଗିଛି । ଏଯାବତ ତାଙ୍କ ଆତ୍ମହତ୍ୟା ସମସ୍ତଙ୍କ ପାଇଁ ରହସ୍ୟ ଘରରେ । ସେପଟେ ତାଙ୍କ ମାମଲାରେ ଯାଞ୍ଚ କରୁଛି ସିବିଆଇ । ସେହିପରି ପ୍ରବର୍ତ୍ତନ ନିର୍ଦ୍ଦେଶାଳୟ ଓ ଏନସିବି ମଧ୍ୟ କଡାକଡି ଯାଞ୍ଚ କରୁଥିବାର ନଜର ଆସୁଛନ୍ତି । ସୋମବାର ସିବିଆଇ ଦଶମ ଦିନ ଯାଞ୍ଚରେ ପହଞ୍ଚିଛି । ସୁଶାନ୍ତଙ୍କ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀ ସମେତ ଆଉ 4 ଜଣ ସୋମବାର ଡିଆରଡିଓ ଗେଷ୍ଟ ହାଉସରେ ନିଜ ବୟାନ ଦେଉଛନ୍ତି । ଏହି କ୍ରମରେ ସାମିଲ ଅଛନ୍ତି ରିଆଙ୍କ ଭାଇ ସୈଭିକ ଚକ୍ରବର୍ତ୍ତୀ, ସୁଶାନ୍ତଙ୍କ ଏକ୍ସ ବିଜନେସ ମ୍ୟାନେଜର ସୃତି ମୋଦି ଓ ଗୋଆର ବିଜନେସମ୍ୟାନ ଗୌରବ ଆର୍ଯ୍ୟା ।
ଇତିମଧ୍ୟରେ ସୃତିଙ୍କ ଓକିଲ ଅଶୋକ ସାରୋଗି ଆଶ୍ଚର୍ଯ୍ୟକର ଖୁଲାସା କରିଛନ୍ତି । ଯାହା ଶୁଣି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି । ସେ ଏକ ସାକ୍ଷାତକାରରେ କହିଛନ୍ତି, ‘ସୁଶାନ୍ତଙ୍କ ତିନି ଭଉଣୀ ତାଙ୍କୁ ସାକ୍ଷାତ କରିବାକୁ ଆସିଥିଲେ । ଆଉ ନଭେମ୍ବର 27ରେ ବାନ୍ଦ୍ରା ସ୍ଥିତ ଫ୍ଲାଟରେ ଭାଇ-ଭଉଣୀଙ୍କ ମଧ୍ୟରେ ପ୍ରବଳ ଝଗଡା ହୋଇଥିଲା । ଯାହାପରେ ତିନି ଭଉଣୀ ହୋଟେଲରେ ରହିବାକୁ ଚାଲିଯାଇଥିଲେ । ଖାଲି ଏତିକି ନୁହେଁ ଏହି ଝଗଡା ପରେ ସୁଶାନ୍ତ ନିଜକୁ ହିନ୍ଦୁଜା ହସ୍ପିଟାଲରେ ଆଡିମିଟ କରିଥିଲେ । ଆଉ ଯେତେବେଳେ ସୁଶାନ୍ତ ହସ୍ପିଟାଲରେ ଥିଲେ ତାଙ୍କ ପିତା କେକେ ସିଂ ଜଣେ ଷ୍ଟାଫଙ୍କୁ ଫୋନ କରି ସୁଶାନ୍ତଙ୍କ ସହ କଥାବାର୍ତ୍ତା କରିବାକୁ କହିଥିଲେ । ହେଲେ ସୁଶାନ୍ତ କଥାବାର୍ତ୍ତା କରିବାକୁ ମନା କରିଦେଇଥିଲେ ।’