ମୁମ୍ବାଇ: ଅଭିନେତ୍ରୀ ରିଆ ଚକ୍ରବର୍ତ୍ତୀ ମଙ୍ଗଳବାର ଡ୍ରଗ୍ସ ଡିଲିଂ କେସରେ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ ଦ୍ବାରା ଗିରଫ ହୋଇଛନ୍ତି । ଗତ ତିନି ଦିନ ଧରି ଏନସିବି ପଚରାଉଚରା ପରେ ‘ଜଲେବୀ’ ଅଭିନେତ୍ରୀଙ୍କୁ ଗିରଫ କରାଯାଇଛି । ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ କିଛି ଦିନ ପୂର୍ବରୁ ଡ୍ରଗ୍ସ ଡିଲିଂ କନେକ୍ସନ ଥିବା କଥା ସାମ୍ନାକୁ ଆସିଥିଲା । ଯାହାପରେ ରିଆଙ୍କ ଭାଇ ସୌଭିକ ଚକ୍ରବର୍ତ୍ତୀ ଓ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡା, ରୋଷେଇଆ ନୀରଜଙ୍କୁ ଗିରଫ କରିଥିଲା ଏନସିବି । ରିଆଙ୍କ ଗିରଫ ଉପରେ ବର୍ତ୍ତମାନ ରାଜନେତାଙ୍କଠୁ ନେଇ ସେଲିବ୍ରିଟିଙ୍କ ପ୍ରତିକ୍ରିୟା ଦେଖିବାକୁ ମିଳୁଛି । ବିହାର ଡିଜିପି ଗୁପ୍ତେଶ୍ବର ପାଣ୍ଡେ, ସୁଶାନ୍ତଙ୍କ ଭଉଣୀ ଶ୍ବେତା ସିଂ କ୍ରିତି ବୟାନ ଦେଇସାରିଲେଣି ।
ଆଉ ଏବେ ଅଭିନେତା ଶେଖର ସୁମନ ଏକ ଟ୍ବିଟ କରି ନିଜ ଖୁସି ପ୍ରକାଶ କରିଛନ୍ତି, ‘ବଡ ବିଜୟ । ଭଗବାନଙ୍କ ଘରେ ବିଳମ୍ବ ଅଛି ହେଲେ ଅନ୍ଧାର ନାହିଁ । ଏବେ ମୁଁ ଆଶା କରୁଛି ରାସ୍ତା ସ୍ପଷ୍ଟ ଦେଖାଯିବ । ଆପଣଙ୍କ ପରିଶ୍ରମ ଆଉ ସ୍ବର ବିଜୟ ଆଣିଛି' ।