ମୁମ୍ବାଇ: ବିଜେପି ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ବାମୀ ନିଜ ବିନ୍ଦାସ ବୟାନ ପାଇଁ ସବୁବେଳେ ଚର୍ଚ୍ଚାରେ ରୁହନ୍ତି । ସେହିପରି ସେ ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତତ୍ୟା ମାମଲାରେ କିଛି ଦିନ ହେବ ନିଜ ପ୍ରତିକ୍ରିୟା ଦେଇ ସେ ଚର୍ଚ୍ଚାରେ । ନିକଟରେ ସେ ପିଏମ ନରେନ୍ଦ୍ର ମୋଦିଙ୍କୁ ଚିଠି ଲେଖି ସୁଶାନ୍ତଙ୍କ କେସରେ ସିବିଆଇ ଯାଞ୍ଚ ପାଇଁ ଦାବି କରିଥିଲେ । ଖାଲି ଏତିକି ନୁହେଁ ଓକିଲ ନିଯୁକ୍ତି କରିବାଠୁ ନେଇ ପିଏମଙ୍କ ପାଖକୁ ଚିଠି ଲେଖାବାରେ ସେ କୌଣସି ସୁଯୋଗ ଛାଡିନାହିଁନ୍ତି । ଆଉ ଏବେ ସୁବ୍ରମଣ୍ୟମ ସୋସିଆଲ ମିଡିଆରେ ବୟାନ ଦେଇଛନ୍ତି । ଯାହା ଚର୍ଚ୍ଚାର ବିଷୟ ପାଲଟିଛି ।
ସେ ସୁଶାନ୍ତଙ୍କ ଆତ୍ମହତ୍ୟାକୁ ହତ୍ୟା କହିଛନ୍ତି । କାହିଁକି ହତ୍ୟା ବୋଲି ସେ 26ଟି ବଡ କାରଣ ମଧ୍ୟ ଦର୍ଶାଇଛନ୍ତି । ତାଙ୍କ ଅନୁଯାୟୀ ସୁଶାନ୍ତଙ୍କ ରୁମରେ ଯେଉଁ ଆଣ୍ଟି ଡିପ୍ରେସନ ଡ୍ରଗ୍ସ ମିଳିଛି ହୁଏତଃ ସେଠାରେ ଅନ୍ୟ କିଏ ରଖିଥିବ । ସୁଶାନ୍ତ ଯେଉଁ ସ୍କାର୍ଫରେ ଫାଶି ଲଗାଇଛନ୍ତି ତାହା ଉପରେ ମଧ୍ୟ ସ୍ବାମୀ ପ୍ରଶ୍ନବାଚୀ ସୃଷ୍ଟି କରିଛନ୍ତି।