ରିଆଙ୍କ ମିଛର ପର୍ଦ୍ଦାଫାଶ କଲେ ଅଙ୍କିତା, ଦେଖାଇଲେ ପ୍ରମାଣ ଭିଡିଓ

ସୁଶାନ୍ତ ଫ୍ଲାଇଟରେ ବସିବାକୁ ଡରନ୍ତି ବୋଲି କହି ପୁଣି ଚର୍ଚ୍ଚାରେ ରିଆ ଚକ୍ରବର୍ତ୍ତୀ । ସେପଟେ ସୋସିଆଲ ମିଡିଆରେ ସୁଶାନ୍ତଙ୍କ ଭିଡିଓ ସେୟାର କରି ଏହି କଥାକୁ ଭୁଲ୍ ସାବ୍ୟସ୍ତ କଲେ ଅଙ୍କିତା ।

ମୁମ୍ବାଇ: ସୁଶାନ୍ତ ସିଂ ରାଜପୁତ ମୃତ୍ୟୁକୁ ଦୁଇ ମାସରୁ ଅଧିକ ଦିନି ବିତିଗଲାଣି । ହେଲେ ଏଯାବତ ତାଙ୍କ ଆତ୍ମହତ୍ୟା ସମସ୍ତଙ୍କ ପାଇଁ ରହସ୍ୟମୟ ହୋଇ ରହିଛି । ଗତ ସାତ ଦିନରୁ କଜାକଡି ଯାଞ୍ଚ କରିଆସୁଛି ସିବିଆଇ । ସେପଟେ ପ୍ରବର୍ତ୍ତନ ନିର୍ଦ୍ଦେଶାଳୟ ମଧ୍ୟ ମନି ଲଣ୍ଡରିଂ କେସରେ ରିଆ ଚକ୍ରବର୍ତ୍ତୀଙ୍କ ସମେତ ଅନେକ ଲୋକଙ୍କୁ ପଚରାଉଚରା କରିସାରିଲେଣି । ଇତିମଧ୍ୟରେ ରିଆ, ସୁଶାନ୍ତଙ୍କ ସହ ଯାଇଥିବା ୟୁରୋପ ଟ୍ରିପକୁ ନେଇ ଅନେକ କଥାର ଖୁଲାସା କରିଛନ୍ତି । ଯେଉଁଥିରେ ସେ ଜଣାଇଛନ୍ତି କି ସୁଶାନ୍ତଙ୍କୁ ଫ୍ଲାଇଟରେ ବସିବାକୁ ଡର ଲାଗେ । ଆଉ ଏହି ଡରକୁ ଭୁଲିବା ପାଇଁ ସେ କିଛି ମେଡିସିନ୍‌ ମଧ୍ୟ ଖାଉଥିଲେ ।

ରିଆଙ୍କ ଏହି ବୟାନରେ କଡା ଜବାବ ଦେଇ ସାମ୍ନାକୁ ଆସିଛନ୍ତି ସୁଶାନ୍ତଙ୍କ ଏକ୍ସ ଗାର୍ଲଫ୍ରେଣ୍ଡ ଅଙ୍କିତା ଲୋଖଣ୍ଡେ । ସେ ଇନଷ୍ଟାଗ୍ରାମରେ ସୁଶାନ୍ତଙ୍କ ଏକ ପୁରୁଣା ଭିଡିଓ ସେୟାର କରିଛନ୍ତି । ଯେଉଁଥିରେ ସୁଶାନ୍ତ ବିମାନ ଚଲାଉଥିବାର ନଜର ଆସୁଛନ୍ତି ।

ଆଉ ଏହାର କ୍ୟାପସନରେ ଅଙ୍କିତା ଲେଖିଛନ୍ତି, ‘କଣ ଏହା କ୍ଲଷ୍ଟ୍ରୋଫୋବିଆ ? ତୁମେ ସବୁବେଳେ ବିମାନ ଉଡାଇବାକୁ ଚାହୁଁଥିଲ । ଏହି ସ୍ବପ୍ନକୁ ତୁମେ ସତ ମଧ୍ୟ କରିଥିଲ ।’ ପ୍ରକାଶ ଥାଉକି ଅଙ୍କିତା ଏହି ଭିଡିଓ ସେୟାର କରି ରିଆଙ୍କୁ ଭୁଲ୍‌ ସାବ୍ୟସ୍ତ କରିଛନ୍ତି ।