ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଏଯାବତ ସମସ୍ତଙ୍କ ପାଇଁ ରହସ୍ୟମୟ ହୋଇରହିଛି । ତାଙ୍କ ମାମଲାରେ ସିବିଆଇ ଓ ପ୍ରବର୍ତ୍ତନ ନିର୍ଦ୍ଦେଶାଳୟ ଯାଞ୍ଚ ଜାରି ରଖିଛନ୍ତି । ଶୁଣିବାକୁ ମିଳୁଛି ଯେ ତାଙ୍କ କଥିତ ଗାର୍ଲଫ୍ରେଣ୍ଡ ରିଆ ଚକ୍ରବର୍ତ୍ତୀଙ୍କ ଡିଲିଟ ହ୍ବାଟ୍ସଅପ ଚାର୍ଚରେ ଡ୍ରଗ୍ସ ଡିଲିଂ କଥା ସାମ୍ନାକୁ ଆସିବା ପରେ ଏବେ ଏନସିବି ମଧ୍ୟ ଯାଞ୍ଚ ଆରମ୍ଭ କରିଦେଇଛି । ସେହିପରି ଏପର୍ଯ୍ୟନ୍ତ ଅନେକ ଲୋକଙ୍କ ବୟାନ ରେକର୍ଡ କରିସାରିଲାଣି ସିବିଆଇ । ଶୁକ୍ରବାର ରିଆଙ୍କଙ୍କୁ ପାଖାପାଖି 8 ଘଣ୍ଟା ପର୍ଯ୍ୟନ୍ତ ଡିଆରଡିଓ ଗେଷ୍ଟ ହାଉସରେ ପଚରାଉଚରା କରିଥିଲା ସିବିଆଇ ।
ଆଉ ଶନିବାର ମଧ୍ୟ ପୁଣି ସିବିଆଇ ଦ୍ବାରା ଜେରା ହେବେ ରିଆ ବୋଲି ଶୁଣିବାକୁ ମିଳୁଛି । ଆଜି କ୍ରମାଗତ ଦ୍ବିତୀୟ ଦିନ ପାଇଁ ରିଆଙ୍କୁ ଏହି ମାମଲାରେ ପଚରାଉଚରା କରାଯିବ ।