ଇରଫାନଙ୍କୁ ମନେ ପକାଇଲେ ପୁଅ ବାବିଲ, ସେୟାର କଲେ ଫଟୋ

ପିତା ଇରଫାନଙ୍କୁ ନେଇ ଇମୋସନାଲ ନଜର ଆସୁଛନ୍ତି ବାବିଲ । ସୋସିଆଲ ମିଡିଆରେ ଜନ୍ମ-ମୃତ୍ୟୁ ବିଷୟରେ ଏଥର ଲେଖିଲେ ସେ ।

ମୁମ୍ବାଇ: ସ୍ବର୍ଗତ ଅଭିନେତା ଇରଫାନ ଖାନଙ୍କ ମୃତ୍ୟୁକୁ 6 ମାସ ବିତିଗଲାଣି । ହେଲେ ଏଯାବତ ତାଙ୍କ ବଡ ପୁଅ ବାବିଲ ଖାନ ସୋସିଆଲ ମିଡିଆରେ ପିତାଙ୍କୁ ସବୁବେଳେ ମନେ ପକାଉଥିବାର ଦେଖାଯାଉଛନ୍ତି । ସେ ପିତାଙ୍କ ପୁରୁଣା ଫଟୋ, ଭିଡିଓ ସେୟାର କରି ଅନେକଥର ଭାବବିହ୍ବଳ ପୋଷ୍ଟ କରିସାରିଛନ୍ତି । ଆଉ ଏବେ ଇରଫାନଙ୍କ ସମାଧି ଫଟୋ ସେୟାର କରି ଖାସ୍ କଥା ଲେଖିଛନ୍ତି ।

ଗୋଲାପ ଫୁଲରେ ସଜା ସମାଧି ଫଟୋର କ୍ୟାପସନରେ ବାବିଲ କହିଛନ୍ତି, ‘ଯେତେବେଳେ ଜଣେ ବ୍ୟକ୍ତି ଜନ୍ମ ହୁଏ, ସେ ଦୁର୍ବଳ ଏବଂ ସ୍ଥିର ଅଟେ । ଯେବେ ସେ ମରିଯାଏ, ସେ କଠିନ ଓ ଅସମ୍ବେଦନଶୀଳ ହୋଇଯାଏ । ସେହିପରି ଗଛ ବଢୁଥିବା ସମୟରେ ନରମ ଥାଏ କିନ୍ତୁ ଯେବେ ଏହା ଶୁଖିଯାଏ କଠିନରେ ପରିଣତ ହୁଏ । କଠିନତା ଏବଂ ଶକ୍ତି ହେଉଛି ମୃତ୍ୟୁର ସାଥୀ ।’

ଖାଲି ଏତିକି ନୁହେଁ ସେ ପିତାଙ୍କଠୁ ଶିଖିଥିବା ଜ୍ଞାନ ବିଷୟରେ କହିବା ସହ ବର୍ତ୍ତମାନ ସେ ନିଜକୁ ସବୁ ଜିନିଷ ପାଇଁ ଶିକ୍ଷା ଦେଉଥିବାର କଥା ପୋଷ୍ଟରେ ଆଲୋଚନା କରିଛନ୍ତି।