ମୁମ୍ବାଇ: ଟ୍ୟାଲେଣ୍ଟେଡ ଆକ୍ଟର ଆୟୁଷ୍ମାନ ଖୁରାନାଙ୍କ ଚର୍ଚ୍ଚିତ ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧାନ’ ଗତ ଶୁକ୍ରବାରଠୁ ରିଲିଜ ହୋଇସାରିଛି। ଫିଲ୍ମକୁ କ୍ରିଟିକ୍ସ ଓ ଦର୍ଶକଙ୍କ ଶାନଦାର ପ୍ରତିକ୍ରିୟା ମିଳିବାରେ ଲାଗିଛି। ଇତିମଧ୍ୟରେ କୋକିଳ କଣ୍ଠୀ ଲତା ମଙ୍ଗେସକର ମଧ୍ୟ ଆୟୁଷ୍ମାନଙ୍କ ଅଭିନୟର ଦିୱାନୀ ହୋଇଯାଇଛନ୍ତି । ସେ ନିକଟରେ ତାଙ୍କ ସୁପରହିଟ୍ ଫିଲ୍ମ ‘ଅନ୍ଧାଧୁନ’ ଦେଖିଥିଲେ। ଯାହାପରଠୁ ସେ ତାଙ୍କ ପ୍ରଶଂସା କରିବାରେ ଥକୁନାହାଁନ୍ତି।
ସେ ଏକ ଟ୍ବିଟ କରି ଲେଖିଛନ୍ତି, ‘ଆୟୁଷ୍ମାନ ଜି ନମଷ୍କାର। ମୁଁ ଆପଣଙ୍କ ଫିଲ୍ମ ଅନ୍ଧାଧୁନ ଆଜି ଦେଖିଲି। ଆପଣ ଖୁବ୍ ଶାନଦାର କାମ କରିଛନ୍ତି ଆଉ ଫିଲ୍ମରେ ଯେଉଁ ଗୀତ ଗାଇଛନ୍ତି ତାହା ବି ମତେ ବହୁତ ପସନ୍ଦ ଆସିଲା। ଆପଣଙ୍କୁ ଅନେକ ଅନେକ ଶୁଭେଚ୍ଛା। ଆପଣଙ୍କୁ ଭବିଷ୍ୟତରେ ଏପରି ସଫଳତା ମିଳୁ ମୁଁ ତାପାଇଁ କାମନା କରୁଛି।’