ମୁମ୍ବାଇ: ଅଭିନେତା ତଥା ଫିଲ୍ମ କ୍ରିଟିକ କମାଲ ରସିଦ ଖାନ ତଥା କେଆରକେ କିଛି ଦିନରୁ ସମସ୍ୟା ଘେରରେ ରହିଆସୁଛନ୍ତି । ସୋସିଆଲ ମିଡିଆରେ ତାଙ୍କୁ ନିରନ୍ତର ସମାଲୋଚନାର ଶିକାର ହେବାକୁ ପଡୁଛି । ନିକଟରେ ସେ ସଲମାନ ଖାନଙ୍କ ଫିଲ୍ମ ‘ରାଧେ’ ଉପରେ ବିବାଦୀୟ ପ୍ରତିକ୍ରିୟା ଦେଇଥିଲେ । ଯାହାପରେ ସଲମାନ ତାଙ୍କ ଉପରେ ମାନହାନୀ କେସ ଲଗାଇଥିଲେ ।
ସେପଟେ ଏହି ମାମଲାରେ ସଲମାନଙ୍କ ସମର୍ଥନ କରି କେଆରକେଙ୍କୁ କଡା ଜବାବ ଦେଇଥିଲେ ପପୁଲାର ଗାୟକ ମିକା ସିଂ । ଯାହାକୁ ନେଇ ମିକା କହିଥିଲେ ଯେ ସେ KRKଙ୍କ ଉପରେ ଏକ ଗୀତ ରିଲିଜ୍ କରିବେ । ଯାହା ପରେ ଦୁହିଁଙ୍କ ମଧ୍ୟରେ ବାକ୍ ଯୁଦ୍ଧ ଆରମ୍ଭ ହୋଇଥିଲା । ସେବେଠାରୁ ଉଭୟଙ୍କ ମଧ୍ୟରେ ବିବାଦ ଲାଗି ରହିଛି ।
ମିକା ବୁଧବାର ତାଙ୍କ ଗୀତର ଟିଜର ରିଲିଜ କରିଛନ୍ତି । ଏହି ଗୀତର ଟାଇଟେଲ ହେଉଛି #KRKKutta ।