ମୁମ୍ବାଇ: ବର୍ତ୍ତମାନ ବଲିଉଡର ଟପ ଅଭିନେତ୍ରୀଙ୍କ ତାଲିକାରେ 'ଲୁକାଛୁପି' ଅଭିନେତ୍ରୀ କ୍ରିତି ସାନନଙ୍କ ନାମ ସାମିଲ ହୋଇସାରିଛି । ତେବେ ସେ ଖୁବଶୀଘ୍ର ମଲ୍ଟି ଷ୍ଟାରର ଫିଲ୍ମ 'ପାନିପତ'ରେ ନଜର ଆସିବେ । ଏହାସହ ସେ ଅଭିନେତା ଦିଲଜିତ ଦୋସାଞ୍ଝଙ୍କ ଆଗାମୀ ଫିଲ୍ମ 'ଅର୍ଜୁନ ପଟିୟାଲ' ଜରିଆରେ ଦର୍ଶକଙ୍କୁ ଖୁବ୍ ହସାଇବେ ।
ଇତିମଧ୍ୟରେ ସେ ଆସୁତୋଷ ଗୋୱାରିକରଙ୍କ ନିର୍ଦ୍ଦେଶିତ ଫିଲ୍ମ 'ପାନିପତ'ର ସୁଟିଂ ଶେଷ କରିନେଇଛନ୍ତି । ଫିଲ୍ମଟି 'ପାନିପତ'ର ତୃତୀୟ ଯୁଦ୍ଧ ଉପରେ ଆଧାରିତ । କ୍ରିତିଙ୍କ ସହ ଫିଲ୍ମରେ ହ୍ୟାଣ୍ଡସମ ଅଭିନେତା ଅର୍ଜୁନ କପୁର ଓ ସଞ୍ଜୟ ଦତ୍ତ ମଧ୍ୟ ମୁଖ୍ୟ ଭୂମିକାରେ ଦେଖାଯିବେ ।