ଅକ୍ଷୟଙ୍କ ‘ବଚ୍ଚନ ପାଣ୍ଡେ’ରେ କ୍ରିତିଙ୍କୁ ଏଣ୍ଟ୍ରି

ଅଭିନେତ୍ରୀ କ୍ରିତି ସାନନଙ୍କୁ ଅକ୍ଷୟଙ୍କ ଆଗାମୀ ଫିଲ୍ମ ‘ବଚ୍ଚନ ପାଣ୍ଡେ’ ପାଇଁ ଫାଇନାଲ କରାଯାଇଛି । ଫିଲ୍ମର ସୁଟିଂ ଆସନ୍ତା ବର୍ଷ ଫେବୃଆରୀରେ ଆରମ୍ଭ ହେବ । ସାଜିଦ ନାଦିୟାଦୱାଲା ଦ୍ବାରା ନିର୍ମିତ ଓ ଫରହାଦ ସାମଜୀଙ୍କ ନିର୍ଦ୍ଦେଶିତ ଏହି ଫିଲ୍ମ ଆସନ୍ତା ବର୍ଷ ଖ୍ରୀଷ୍ଟମାସରେ ରିଲିଜ ହେବାକୁ ଯାଉଛି ।

ମୁମ୍ବାଇ: ନିକଟରେ ରିଲିଜ ହୋଇଥିବା ଅକ୍କି ଅକ୍ଷୟ କୁମାରଙ୍କ ମଲ୍ଟି ଷ୍ଟାରର ଫିଲ୍ମ ‘ହାଉସଫୁଲ 4’ ଏବର୍ଷର ହିଟ୍ କମେଡି ଫିଲ୍ମ ସାବ୍ୟସ୍ତ ହୋଇଛି । ଏଥିରେ ଅକ୍ଷୟଙ୍କ ସହ କ୍ରିତି ସାନନଙ୍କ ରୋମାନ୍ସକୁ ଖୁବ୍ ପସନ୍ଦ କରିଛନ୍ତି ଦର୍ଶକ । କିଛି ଦିନ ହେବ ଖବର ଜୋର ଧରିଥିଲା ଯେ ଏହି ଯୋଡି ଆଉ ଏକ ଫିଲ୍ମରେ ଏକାଠି ନଜର ଆସିବେ । ଯାହା ବର୍ତ୍ତମାନ ସତ ହେବାକୁ ଯାଉଛି । ଆଜ୍ଞା ହଁ, ଅକ୍ଷୟଙ୍କ ଅପକମିଂ ଫିଲ୍ମ ‘ବଚ୍ଚନ ପାଣ୍ଡେ’ରେ ଏଣ୍ଟ୍ରି କରିଛନ୍ତି କ୍ରିତି ।

‘ବଚ୍ଚନ ପାଣ୍ଡେ’ର ମେକର୍ସ ଏବେ କ୍ରିତିଙ୍କୁ ଫିଲ୍ମ ପାଇଁ ଫାଇନାଲ କରିସାରିଛନ୍ତି । ‘ହାଉସଫୁଲ 4’ର ଏହି ଯୋଡି ପୁଣି ଏକାଠି ଅଭିନୟ କରି ଦର୍ଶକଙ୍କ ମନୋରଞ୍ଜନ କରିବାକୁ ଏକ୍ସାଇଟେଡ । ଫିଲ୍ମରେ ଏଣ୍ଟ୍ରି କରିବାର ସୂଚନା କ୍ରିତି ନିଜ ଇନଷ୍ଟାଷ୍ଟୋରିରେ ଫ୍ୟାନ୍ସଙ୍କୁ ଦେଇଛନ୍ତି । ସେ ନିଜର ଏକ ଫଟୋ ସେୟାର କରି ‘ବଚ୍ଚନ ପାଣ୍ଡେ’ରେ ସାମିଲ ହେବାକୁ ନେଇ ଉତ୍ସାହିତ ଅଛନ୍ତି ବୋଲି କ୍ୟାପସନରେ ଲେଖିଛନ୍ତି । ପ୍ରକାଶ ଥାଉକି ‘ବଚ୍ଚନ ପାଣ୍ଡେ’ ଫିଲ୍ମର ସୁଟିଂ ଆସନ୍ତା ବର୍ଷ ଆରମ୍ଭ କରିବେ ମେକର୍ସ ।

ପ୍ରକାଶ ଥାଉକି କି କ୍ରିତି ଓ ଅକ୍ଷୟଙ୍କ ବ୍ୟତୀତ ‘ହାଉସଫୁଲ 4’ରେ ବବି ଦେଓଲ, କ୍ରିତି ଖରବନ୍ଦା, ରିତେଶ ଦେଶମୁଖ, ପୂଜା ହେଗଡେ ମୁଖ୍ୟ ଭୂମିକାରେ ନଜର ଆସିଛନ୍ତି । ଏହି କମେଡି ଫିଲ୍ମ ଦେଖି ହସି ହସି ବେହାଲ ହୋଇଥିଲେ ଦର୍ଶକ ।