ମୁମ୍ବାଇ: ସୁଶାନ୍ତ ସିଂ ରାଜପୁତ ଓ କ୍ରିତି ସାନନଙ୍କ ଅଭିନୀତ ରୋମାଣ୍ଟିକ ଫିଲ୍ମ ‘ରାବତା’ ରିଲିଜକୁ 4 ବର୍ଷ ପୂରଣ ହୋଇଛି । 2017 ଜୁନ 9ରେ ଏହି ଫିଲ୍ମ ବକ୍ସ ଅଫିସରେ ରିଲିଜ ହୋଇଥିଲା । ସେପଟେ ଏହି ଅବସରରେ ନିଜ ଦିବଙ୍ଗତ କୋ-ଷ୍ଟାର ସୁଶାନ୍ତଙ୍କ ବିଷୟରେ ଆଲୋଚନା କରି ଭାବୁକ ହୋଇପଡିଥିଲେ ।
କ୍ରିତି ଫିଲ୍ମର ସୁଟିଂ ସମୟରେ ସୁଟ କରାଯାଇଥିବା ଏକ ସୁନ୍ଦର ବିହାଇଣ୍ଡ ଦ ସିନ ଭିଡିଓ ସେୟାର କରି କ୍ୟାପସନରେ ଲେଖିଥିଲେ, ‘ମୁଁ କନେକ୍ସନ ଉପରେ ବିଶ୍ବାସ ରଖେ । ମୋ ବିଶ୍ବାସ ଯେ ଲୋକଙ୍କ ସହ ଭେଟିବା ପଛରେ ନିହାତି କୌଣସି କାରଣ ଥାଏ । ମୁଁ ଫିଲ୍ମ ରାବତା ସୁଶାନ୍ତଙ୍କ ସହ କରିଥିଲି । ଏହି କନେକ୍ସନ ପାଇଁ ମତେ ଡିନୁ ଓ ମ୍ୟାଡକ ଫିଲ୍ମସ ସହ ରାବତାରେ କାମ କରିବାର ସୁଯୋଗ ମିଳିଥିଲା । ଅନେକ ଫିଲ୍ମ ଆସିଲା ଆଉ ଚାଲିଗଲା ହେଲେ ସବୁ ଫିଲ୍ମ ସହ ମୋର ଖାସ୍ କନେକ୍ସନ ସମ୍ପୃକ୍ତ ହୋଇଥିଲା । ଆମେ ସମସ୍ତେ ଜୀବନରେ ଅନେକ କନେକ୍ସନ ତିଆରି କରୁ ଆଉ ସମୟକୁ ଏକାଠି ପରସ୍ପର ସହ ବଞ୍ଚିଥାଉ । ଯାହା ଜୀବନ ସାରା ଆମ ଭିତରେ ରହିଯାଏ । ଏହା କିଛି ଅନ୍ୟଠୁ ଅଧିକ ।’