ହାଇଦ୍ରାବାଦ:ଗତ କିଛି ଦିନ ହେବ ସୋସିଆଲ ମିଡିଆରେ 'କାଚା ବାଦାମ' ଗୀତ ଭାଇରାଲ ହେବାରେ ଲାଗିଛି। ସାଧାରଣ ଲୋକଙ୍କୁ ତ ଛାଡନ୍ତୁ, ଏହି ଗୀତରେ ସେଲିବ୍ରିଟି ମଧ୍ୟ ବାୟା ହୋଇଯାଇଛନ୍ତି । କାଚା ବାଦାମ ଗୀତ କେବଳ ଦେଶରେ ନୁହେଁ, ସାରା ବିଶ୍ବରେ ବ୍ୟାପିଛି । ବର୍ତ୍ତମାନ ଲୋକପ୍ରିୟ କମେଡି ସୋ 'ଦି କପିଲ ଶର୍ମା ସୋ'ରେ ଦର୍ଶକଙ୍କୁ ହସାଉଥିବା କିକୁ ଶାରଦା ଏବଂ ରୋଚେଲ ରାଓ କାଚା ବାଦାମ ଗୀତରେ ଖୁବ ଜମେଇକି ଡ୍ୟାନ୍ସ କରିଛନ୍ତି। ଉଭୟଙ୍କ ଏହି ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡିଓରେ ଦେଖିବାକୁ ମିଳିଛି ଯେ, ସୋ’ରେ ଓକିଲ ଭୂମିକାରେ ଅଭିନୟ କରିଥିବା କିକୁ ଶାରଦା 'କାଚା ବାଦାମ' ଗୀତରେ ନାଚୁଛନ୍ତି। ରୋଚେଲ ତାଙ୍କ ହଟ ଷ୍ଟାଇଲରେ କମର ହଲାଉଛନ୍ତି । ବର୍ତ୍ତମାନ ପ୍ରଶଂସକମାନେ ଏହି ମଜାଳିଆ ଭିଡିଓରେ କମେଣ୍ଟ ଦେବା ଆରମ୍ଭ କରିଦେଇଛନ୍ତି । କିକୁ ଶାରଦାଙ୍କ ଡ୍ୟାନ୍ସ ଦେଖିବା ପରେ ପ୍ରଶଂସକଙ୍କ ହସ ବନ୍ଦ ହେଉନାହିଁ ।