ହାଇଦ୍ରାବାଦ: ଆସିଲା ବଲିଉଡ ଅଭିନେତ୍ରୀ କିଆରା ଆଡଭାନୀଙ୍କ ପ୍ରଥମ ପ୍ୟାନ-ଇଣ୍ଡିଆ ଫିଲ୍ମ ପୋଷ୍ଟର । ଏହି ଫିଲ୍ମରେ ତେଲୁଗୁ ଷ୍ଟାର ରାମ ଚରଣଙ୍କ ସହିତ ନଜର ଆସିବେ କିଆରା । ଏ ନେଇ ଗତକାଲି ସୋସିଆଲ ମିଡିଆରେ ଘୋଷଣା କରିଥିଲା ଫିଲ୍ମ ଟିମ । ଆଜି ସୁଟିଂ ଆରମ୍ଭ କରିଥିବାବେଳେ ଫିଲ୍ମର କନ୍ସେପ୍ଟ ପୋଷ୍ଟର ମଧ୍ୟ ରିଲିଜ ହୋଇଛି ।
କିଆରା ମଧ୍ୟ ସୋସିଆଲ ମିଡିଆରେ ଏହି ପୋଷ୍ଟରକୁ ସେୟାର କରିଛନ୍ତି । କ୍ୟାପ୍ଟନରେ ଲେଖିଛନ୍ତି ମୋର ପ୍ରଥମ ପ୍ୟାନ ପିଲ୍ମ ନେଇ ମୁଁ ବହୁତ ଉତ୍ସାହିତ ଅଛି । ରାମ ଚରଣଙ୍କ ଭଳି କୋଷ୍ଟାର ଓ ନିର୍ଦ୍ଦେଶକଙ୍କ ସହିତ କାମ କରିବା ନେଇ ମୁଁ ବହୁତ ଖୁସି ଅଛି । ଆପଣମାନଙ୍କ ଆଶୀର୍ବାଦ ଓ ଭଲ ପାଇବା ପାଇଁ ଆମ ଫିଲ୍ମ ଆରମ୍ଭ ହେବାକୁ ଯାଉଛି ବୋଲି କହିଛନ୍ତି କିଆରା ।