ନୂଆଦିଲ୍ଲୀ: ଅଭିନେତ୍ରୀ କିଆରା ଆଡଭାନୀ ଅଳ୍ପ ସମୟ ମଧ୍ୟରେ ବଲିଉଡ ଫିଲ୍ମ ଇଣ୍ଡଷ୍ଟ୍ରିରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି । କିଆରା ଅନେକ ହିଟ୍ ଫିଲ୍ମର ଏକ ଅଂଶ ହୋଇଛନ୍ତି ।
ନିକଟରେ କିଆରା ଅକ୍ଷୟ କୁମାରଙ୍କ ସହ ଲକ୍ଷ୍ମୀ ଚଳଚ୍ଚିତ୍ରରେ ଅଭିନୟ କରିଥିଲେ । ଏବେ ଅଭିନେତ୍ରୀଙ୍କ ଆଉ ଏକ ଫିଲ୍ମ ରିଲିଜ ହେବାକୁ ଯାଉଛି ।
କିଆରାଙ୍କ ଫିଲ୍ମ 'ଇନ୍ଦୁ କି ଜବାନୀ' ଆସନ୍ତା ମାସରେ ଅର୍ଥାତ୍ ଡିସେମ୍ବରରେ 11 ରେ ମୁକ୍ତିଲାଭ କରିବାକୁ ଯାଉଛି । ଯାହାକୁ ନେଇ ସେ ବହୁତ ଉତ୍ସାହିତ ଅଛନ୍ତି ।
ଏହି ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବାର ସମ୍ଭାବନା ରହିଛି । କୋରୋନା ହେତୁ ବହୁ ବଡ ବଜେଟ୍ ର ଫିଲ୍ମ ଅନଲାଇନ୍ ପ୍ଲାଟଫର୍ମରେ ମୁକ୍ତିଲାଭ କରିଥିଲା । କିନ୍ତୁ ବର୍ତ୍ତମାନ ଧୀରେ ଧୀରେ ଚଳଚ୍ଚିତ୍ର ଗୁଡିକୁ ଥିଏଟରରେ ମଧ୍ୟ ମୁକ୍ତିଲାଭ କରାଯାଉଛି ।