କବିର ସିଂର ସଫଳତା ପରେ ପାର୍ଟି ମୁଡରେ କିୟାରା

ଫିଲ୍ମ କବିର ସିଂକୁ ଦର୍ଶକଙ୍କ ତରଫରୁ ମିଳିଛି ଜବରଦସ୍ତ ରେସପନ୍ସ । ଆଉ ଫିଲ୍ମର ସେକ୍ସେସ ପରେ କିୟାରା ନିଜ ମାତାପିତାଙ୍କ ସହ ସେଲିବ୍ରେସନ କରୁଥିବାର ନଜର ଆସିଛନ୍ତି ।

ମୁମ୍ବାଇ: ବକ୍ସ ଅଫିସରେ ଧମାଲ ମଚାଉଛି ଶାହିଦ କପୁର ଓ କିୟାରା ଆଡଭାନି ଷ୍ଟାରର ଫିଲ୍ମ କବିର ସିଂ । ଫିଲ୍ମକୁ ଦର୍ଶକଙ୍କ ତରଫରୁ ମିଳିଛି ଜବରଦସ୍ତ ରେସପନ୍ସ । ଆଉ ଫିଲ୍ମର ସକ୍ସେସ ପରେ କିୟାରା ନିଜ ମାତାପିତାଙ୍କ ସହ ସେଲିବ୍ରେସନ କରୁଥିବାର ନଜର ଆସିଛନ୍ତି ।

ଫଟୋ ସୌଜନ୍ୟ: ସୋସିଆଲ ମିଡିଆ/ଟ୍ବିଟର

ନିଜର ସଫଳତାକୁ ସେଲିବ୍ରେସନ କରିବା ସହ କିୟାରା ଫିଲ୍ମର ପୋଷ୍ଟର ଲାଗିଥିବା ଏକ କେକ୍ କାଟିଛନ୍ତି । ଏହାସହ ଏହି ଫଟୋରେ ସେ ନିଜ ମାଆଙ୍କ ସହ ପୋଜ ଦେଇଛନ୍ତି । ତେବେ ଏହି ଫଟୋରେ କିୟାରା ଏକ ଧଳା ରଙ୍ଗର ଟିସର୍ଟ ସହ ସିଲଭର କଲରର ସ୍କଟ କ୍ୟାରି କରିଛନ୍ତି । ଏହାସହ ସେ ଲାଇଟ୍ ମେକଅପ୍‌ ମଧ୍ୟ କରିଛନ୍ତି ।

ସୂଚନାଯୋଗ୍ୟ, କବିର ସିଂ ରିଲିଜ ହେବାର 5 ଦିନରେ 100 କୋଟି ପାର କରିସାରିଛି । ଏହାସହ ଅନ୍ୟ ଫିଲ୍ମକୁ ମଧ୍ୟ କଡା ଟକ୍କର ଦେଉଛି । ଆଉ ଆଗକୁ 200 କୋଟି କ୍ଲବରେ ସାମିଲ ହେବାନେଇ ଆଶାବ୍ୟକ୍ତ କରିଛନ୍ତି ଫିଲ୍ମ ନିର୍ମାତା ।