'କେଜିଏଫ୍: ଚାପ୍ଟର 2'ର ରିଲିଜ ଡେଟ ଘୋଷଣା

ବହୁ ପ୍ରତିକ୍ଷିତ ଚଳଚ୍ଚିତ୍ର 'କେଜିଏଫ୍: ଚାପ୍ଟର 2'ର ରିଲିଜ୍ ତାରିଖ ଘୋଷଣା କରାଯାଇଛି । ନିର୍ଦ୍ଦେଶକ ପ୍ରଶାନ୍ତ ନୀଲ ଟ୍ବିଟ କରି 'କେଜିଏଫ୍:ଚାପ୍ଟର 2'ର ରିଲିଜ୍‌ ଡେଟ୍ ଘୋଷଣା କରିଛନ୍ତି । ଅଧିକ ପଢନ୍ତୁ...

ହାଇଦ୍ରାବାଦ: ବହୁ ପ୍ରତିକ୍ଷିତ ଚଳଚ୍ଚିତ୍ର 'କେଜିଏଫ୍: ଚାପ୍ଟର 2'ର ରିଲିଜ୍ ତାରିଖ ଘୋଷଣା କରାଯାଇଛି । ବ୍ଲକବଷ୍ଟର ଫିଲ୍ମ 'କେଜିଏଫ୍:ଚାପ୍ଟର 2'ରେ ଷ୍ଟାର ୟଶ ଏବଂ ଶ୍ରୀନୀଧି ଶେଟ୍ଟୀଙ୍କ ସହ ବଲିଉଡ ଅଭିନେତା ସଞ୍ଜୟ ଦତ୍ତ ଏବଂ ରବୀନା ଟଣ୍ଡନ ମଧ୍ୟ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।

ଏବେ ନିର୍ଦ୍ଦେଶକ ପ୍ରଶାନ୍ତ ନୀଲ ଟ୍ବିଟ କରି 'କେଜିଏଫ୍:ଚାପ୍ଟର 2'ର ରିଲିଜ ଡେଟ ଘୋଷଣା କରିଛନ୍ତି ।

ପ୍ରଶାନ୍ତ ଲେଖିଛନ୍ତି, "# 'କେଜିଏଫ୍:ଚାପ୍ଟର 2' ଓ୍ବାଲ୍ଡଓ୍ବାଇଡ ଥିଏଟର ରିଲିଜ୍ 16 ଜୁଲାଇ 2021 । # KGFChapter2onJuly16" ।

ଏହାପୂର୍ବରୁ ଆଜି(ଶୁକ୍ରବାର ଦିନ) ପ୍ରଶାନ୍ତ ନୀଲ ଟୁଇଟ୍ କରିଥିଲେ ଯେ, 'ପ୍ରତିଶୃତି ପୂରଣ ହେବ । 'କେଜିଏଫ୍: ଚାପ୍ଟର 2' ରିଲିଜ୍ ତାରିଖ ଆଜି ସନ୍ଧ୍ୟା 6.32 ମିନିଟରେ ଘୋଷଣା କରାଯିବ ।

ଚଳଚ୍ଚିତ୍ର 'କେଜିଏଫ୍:ଚାପ୍ଟର 2' ପ୍ରାରମ୍ଭରେ ଅକ୍ଟୋବର 23, 2020 ରେ ରିଲିଜ୍ ହେବାର ଥିଲା । କିନ୍ତୁ, କୋରୋନା ପାଇଁ ଫିଲ୍ମର ରିଲିଜ୍ ତାରିଖକୁ ସ୍ଥଗିତ ରଖିବାକୁ ପଡିଥିଲା ।

ପ୍ରକାଶ ଥାଉ ଯେ, ୟଶଙ୍କ ସହ ପ୍ରଥମଥର ପରଦାରେ ଭିଲେନ ହୋଇ ଲଢିବେ ବି-ଟାଉନର ମୁନ୍ନା ଭାଇ ସଞ୍ଜୟ ଦତ୍ତ ।