ହାଇଦ୍ରାବାଦ: ରଙ୍ଗିନ ହୋଇଯାଇଛି ପୂରା ପରିବେଶ, ରଙ୍ଗିନ ହୋଇଯାଇଛି ମନ । କାହିଁକି ନା ଦେହରେ ଲାଗିସାରିଛି ଅବିର । ସାରା ଦେଶରେ ହୋଲିର ମାହୋଲ ପୁରା ନିଆରା ରହିଛି । ଏସବୁ ଭିତରେ ବଲିଉଡ ତାରକାମାନେ କେମିତି ବାଦ ପଡିବେ ? ଅନେକ ବଲିଉଡ ତାରକା ନିଜ ପ୍ରଶଂସକଙ୍କୁ ହୋଲିରେ ଅଭିନନ୍ଦନ ଜଣାଇ ସାରିଥିବାବେଳେ ଅନେକ ଅଭିନନ୍ଦନ ଜଣାଇବାରେ ବ୍ୟସ୍ତ ଅଛନ୍ତି। ପୂର୍ବରୁ କରୀନା କପୁର ଖାନ ଏବଂ ପ୍ରିୟଙ୍କା ଚୋପ୍ରା ପ୍ରଶଂସକଙ୍କୁ ହୋଲିର ଶୁଭେଚ୍ଛା ଜଣାଇସାରିଥିବାବେଳେ, ବଲିଉଡର ସୁନ୍ଦରୀ ଅଭିନେତ୍ରୀ କ୍ୟାଟ୍ରିନା କୈଫ ହୋଲିରେ ପ୍ରଶଂସକଙ୍କୁ ଶୁଭେଚ୍ଛା ଜଣାଇଛନ୍ତି । କ୍ୟାଟ୍ରିନା ବର୍ତ୍ତମାନ ସ୍ୱାମୀ ଭିକି କୌଶଲ ସମେତ ଦିଅର ସନ୍ନି କୌଶଲ ଏବଂ ଶାଶୁ-ଶ୍ବଶୁରଙ୍କ ସହ ହୋଲି ଖେଳୁଛନ୍ତି ।
କ୍ୟାଟ୍ରିନା କୈଫଙ୍କ ବିବାହ ପରେ ଏହା ହେଉଛି ପ୍ରଥମ ହୋଲି, ଯାହାକୁ ସେ ତାଙ୍କ ଶାଶୁ ଘରେ ଉପଭୋଗ କରୁଛନ୍ତି । ପ୍ରଶଂସକମାନଙ୍କୁ ହୋଲିର ଶୁଭେଚ୍ଛା ଜଣାଇବାବେଳେ କ୍ୟାଟ୍ରିନା କୈଫ ହୋଲି ଉତ୍ସବର ଫଟୋ ସେୟାର କରିଛନ୍ତି । କ୍ୟାଟ୍ରିନା କୈଫ ଗତକାଲି ରାତିରେ ସ୍ୱାମୀ ଭିକି କୌଲଙ୍କ ସହ ଧର୍ମା ପ୍ରଡକ୍ସନ୍ସର ସିଇଓ ଅପୂର୍ବା ମେହେଟ୍ଟାଙ୍କ ଜନ୍ମଦିନ ପାର୍ଟିରେ ପହଞ୍ଚିଥିଲେ। ଏହି ସମୟରେ ସମସ୍ତ ଦୃଷ୍ଟି କପଲଙ୍କ ଲୁକ୍ ଏବଂ କେମେଷ୍ଟ୍ରି ଉପରେ ଥିଲା ।