ହାଇଦ୍ରାବାଦ: ଏବେ ଚର୍ଚ୍ଚାରେ କାର୍ତ୍ତିକ ଆର୍ୟାନ ଏବଂ ବୁଲବୁଲ ଫେମ ତୃପ୍ତି ଡିମରୀ । ବଲିଉଡର ଲୋକପ୍ରିୟ ନିର୍ମାତା-ନିର୍ଦ୍ଦେଶକ କରଣ ଜୋହରଙ୍କ ଆଗାମୀ ଫିଲ୍ମରେ ହାର୍ଟଥ୍ରୋବ କାର୍ତ୍ତିକ ଆର୍ୟାନ ଏବଂ ତୃପ୍ତି ରୋମାନ୍ସ କରୁଥିବାର ଦେଖିବାକୁ ମିଳିପାରେ ।
ଖବର ଅନୁଯାୟୀ, ଯଦିଓ ଏହି ଚଳଚ୍ଚିତ୍ର ବିଷୟରେ କୌଣସି ଅଫିସିଆଲ୍ ଘୋଷଣା କରାଯାଇ ନାହିଁ, କାର୍ତ୍ତିକ ଏବଂ ତୃପ୍ତି ଏହି ଫିଲ୍ମ ପାଇଁ ସାଇନ କରିଛନ୍ତି ବୋଲି ଶୁଣିବାକୁ ମିଳିଛି ।
ଏହି ଗୁଜବକୁ ରୋକିବା ପାଇଁ କରଣ ଜୋହର ସୋସିଆଲ ମିଡିଆରେ ଟ୍ବିଟ୍ କରି କହିଛନ୍ତି ଯେ, ଫିଲ୍ମର କାଷ୍ଟ ସହ ଜଡିତ କଳ୍ପନାଜଳ୍ପନାରେ କୌଣସି ସତ୍ୟତା ନାହିଁ ।
କରଣ ଏକ ଟୁଇଟ୍ରେ ଲେଖିଛନ୍ତି ଯେ, ଧର୍ମା ମୁଭିଜ ପାଇଁ ଶରଣ ଶର୍ମାଙ୍କ ପରବର୍ତ୍ତୀ ଚଳଚ୍ଚିତ୍ରର କାଷ୍ଟ ବିଷୟରେ ଅନେକ କଳ୍ପନାଜଳ୍ପନା ଚାଲିଛି । ମୁଁ ଏହାକୁ ସ୍ପଷ୍ଟ କରିବାକୁ ଚାହେଁ ଯେ ଏହି ସମୟରେ ଫିଲ୍ମ ପାଇଁ କାଷ୍ଟ ଲକ୍ ହୋଇନାହିଁ । ଆହୁରି ମଧ୍ୟ ଫିଲ୍ମର ସ୍କ୍ରିନ-ପ୍ଲେ ଉପରେ କାମ ଚାଲିଛି । ଦୟାକରି ଅଫିସିଆଲ୍ ଘୋଷଣା ପାଇଁ ଅପେକ୍ଷା କରନ୍ତୁ ।
ବ୍ୟୁରୋ ରିପୋର୍ଟ, ଇଟିଭି ଭାରତ