ଅଟୋ-ରିକ୍ସା ଚଲାଇଲେ କାର୍ତ୍ତିକ, ଭିଡିଓ ଭାଇରାଲ

ବର୍ତ୍ତମାନ ‘ଭୁଲ ଭୁଲୈୟା 2’ର ସୁଟିଂରେ ଖୁବ୍ ବ୍ୟସ୍ତ କାର୍ତ୍ତିକ ଆର୍ୟନ। ହେଲେ ସୋସିଆଲ ମିଡିଆରେ ଫିଲ୍ମ ସେଟରୁ ଅନେକ ଫଟୋ, ଭିଡିଓ ଖୁବ୍ ଭାଇରାଲ ହେବାରେ ଲାଗିଛି।

ମୁମ୍ବାଇ: କାର୍ତ୍ତିକ ଆର୍ୟନ ଖୁବଶୀଘ୍ର କମେଡି ହର ଫିଲ୍ମ ‘ଭୁଲ ଭୁଲୈୟା 2’ରେ ନଜର ଆସିବେ। ଫିଲ୍ମରେ ତାଙ୍କ ସହ ଅଭିନୟ କରୁଥିବାର ଦେଖାଯିବେ କିୟାରା ଆଡଭାନୀ ଓ ତବ୍ବୁ। 2007ରେ ରିଲିଜ ହୋଇଥିବା ଅକ୍ଷୟ କୁମାର ଓ ବିଦ୍ୟା ବାଲନଙ୍କ ସୁପରହିଟ୍ ଫିଲ୍ମ ‘ଭୁଲ ଭୁଲୈୟା’ର ଏହା ରିମେକ ଫିଲ୍ମ।

ଏବେ ଫିଲ୍ମର ସୁଟିଂ ଜୟପରୁରେ ଚାଲିଛି। ନିକଟରେ କାର୍ତ୍ତିକ ଓ କିୟାରାଙ୍କ ଏକ ରୋମାଣ୍ଟିକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯାହାକୁ ଖୁବ୍ ପସନ୍ଦ କରିଥିଲେ ଫ୍ୟାନ୍ସ। ଇତିମଧ୍ୟରେ ଫିଲ୍ମ ସେଟରୁ କିଛି ଭିଡିଓ ସୋସିଆଲ ମିଡିଆରେ ଦେଖିବାକୁ ମିଳୁଛି।

ଭିଡିଓରେ କାର୍ତ୍ତିକ ଅଟୋ-ରିକ୍ସା ଚଲାଉଥିବାର ନଜର ଆସୁଛନ୍ତି। ସେହିପରି ଆଉ ଏକ ଭିଡିଓରେ କାର୍ତ୍ତିକ ଫିଲ୍ମ ନିର୍ଦ୍ଦେଶକ ଅନୀସ ବଜ୍ମୀଙ୍କ ସହ ବସି କଥାବାର୍ତ୍ତା କରୁଥିବାର ଦେଖାଯାଉଛନ୍ତି। ଆପଣ ମଧ୍ୟ ଦେଖନ୍ତୁ ଏହି ଭିଡିଓ...

ନିକଟରେ ଏକ ଇଭେଣ୍ଟରେ ଅନୀସ କହିଥିଲେ ଯେ ‘ଭୁଲ ଭୁଲୈୟା-2’ ରେ ତବ୍ବୁଙ୍କ ରୋଲ ସମସ୍ତଙ୍କୁ ସରପ୍ରାଇଜ କରିଦେବ । ତବ୍ବୁ ଫିଲ୍ମର ସୁପରହିଟ୍ ଗୀତ ‘ମେରେ ଢୋଲନା’କୁ ରିକ୍ରିଏଟ କରିବେ। ଏହାର ପ୍ରଥମ ପାର୍ଟରେ ବିଦ୍ୟା ଶାନଦାର ପରଫର୍ମ କରି ଦର୍ଶକଙ୍କ ମନ କିଣିଥିଲେ। ଏବର୍ଷ ଜୁଲାଇ 31ରେ ରିଲିଜ ହେବ ଏହି ଫିଲ୍ମ।